أعربت الفنانة وفاء عامر عن فرحتها بنجاح الفنان الشاب نور النبوي، وذلك خلال مداخلة هاتفية لها مع الإعلامية منى الشاذلي، في برنامجها معكم، الذي يتم عرضه عبر شاشة قناة CBC.
وقالت وفاء عامر عن نور النبوي: “موهبته مع التعلم والخبرة بتاعته اللي أكبر من سنه فادتني أنا كممثلة، نور جميل وموهوب وكان أمنيتي إنه يكون ابني بجد، ولما عرفت إن اللي هيعمل شخصية طارق في مسلسل راجعين يا هوى حصله ظرف ومش هينفع يشارك زعلت وقُلت مين اللي هيجي، وأنا نايمة كده شوفت نور، طلع فعلًا المخرج مرشحه”.
وتابعت:” أنا عرفت نور، من مسلسل الاختيار ودورت عليه ومكنتش أعرف إنه ابن خالد النبوي، وده بيدل على إن الموهبة بتفرض نفسها بغض النظر عن إن أبوه مين، وأبوه خالد النبوي من أهم نجوم العالم العربي”.
وتحدثت وفاء أيضا عن الفنانة عواطف حلمي، قائلة:” جدتة نور النبوي، هي الفنانة عواطف حلمي، أنا اشتعلت معاها هي سيدة عظية وبتشتغل بمزاجها جدًا لأنها ربت الأولاد كويس أوي ومكنش مهم عندها غير إنها تعيش للأسرة، وأنا بتشرف إني أكون موجودة في عمل هي موجودة فيه”.
واختتمت وفاء عامر كلامها عن نور النبوي، مشيرة أنها تتمنى التعاون معه مرة ثانية في عمل فني ،معلقة: “لو نور عنده دور أطلع فيه أمه هكون سعيدة جدًا”.