ردت الفنانة وفاء عامر، على الهجوم الذي تعرضت له من قبل الجمهور بسبب تصريحاتها عن الحجاب خلال لقاءها مع الإعلامية شافكي المنيري.
ونشرت الفنان مقطع فيديو، عبر حسابها الرسمي بموقع التواصل الاجتماعي “إنستجرام”، قالت به: “مساء الخير على كل جمهوري ومتابعيني الكرام، اسعد الله مسائكم بكل الخير والحب والبركة، عندي كلمتين عاوزة اقولهم، انا لا اتحدث عن الحجاب لا من قريب ولا من بعيد، وقولت قبل كده ميت مرة انا لا عالم دين ولا داعية اسلامية”.
وأضافت: “انا زي اي حد بسيط عندي بعض المعلومات العامة اللي بستسقيها من الكتاب والسنة، فلما استاذة شافكي المنيري اتكلمت عن الحجاب فقولتلها اني كنت بحضر، لكن انا مبخدش قرارات متسرعة واتعلمت من بعضهم حاجات كتيرة جدًا”.
وتابعت: “لم انكر الحجاب، وقولت حاجة مهمة جدا انه ياريت نحجب لسانا ونحجب قلوبنا، ونغض بصرنا ونبطل نأذي، وبنا يهدي”.
واختتمت: “عمري ابدا ما اعيب في حد، المحجبات دول بناتنا واخواتنا واصحابنا، ونتشرف بيهم كلهم”.
View this post on Instagram
وفاء عامر تشارك في مسلسل “الشادر”
من جهة أخرى، أشادت الفنانة وفاء عامر، بأخلاق الفنانة ياسمين صبري، مؤكدة على أنها ملتزمة في مواعيدها لذا تحب العمل معها، وجاء ذلك خلال فاطمة مصطفى عبر محطة راديو ٩٠٩٠.
وقال وفاء عامر: “بحب كواليس العمل معاها، وبحب أدبها، وهي بتحترم اللي اكبر منها ومبتخليش حد يستناها، بنت لطيفة جدا ومبتدخلش في اللي ملهاش فيه، انا لازم اقول كلمة حق، حتى لو مشتغلتش معاها في الشادر، انا مش محتاجة اتكلم عن حد كويس عشان اشتغل، فالبنت كويسة اوي”.
وأضافت: “هي متحمسة اوي للدور، وانا بدعمها انها تاخد الخطوة ديه، لكن مش شرط اني اكون موجودة في المسلسل، احنا اتفقنا لو الدور مش هيكون اد امكانياتي واد طموحي ممكن اعتذر لكن هفضل بردو مدعمة ليها”.
وأردفت: “جايز نكون بنحب النجم زيادة فبنكون عاوزين نعرف كل حاجة عنه، بس مش لازم بقى نطلع شائعات ونقول خدت كام مليار لما اطلقت، الكلام ده كلام فاضي”.