انتشر فيديو للراقصة هندية خلال الساعات الماضية، وهي تترك كلبها الخاص المصاب في رجله في في إحدى الشواع، مما أثار غضب رواد مواقع التواصل الاجتماعي.
ردت هندية على الهجوم الكبير الذي تعرضت له بسبب تركها كلبها المصاب بالشارع، وذلك من خلال فيديو لها .
وقالت هندية: «عاملين فيها أنكم رحماء، وعندكم رحمة، أنهي رحمة دي؟، أنا رميت الكلب في الشارع في حاجة؟ أنا حرة.. رميته في الشارع كنت جيباه من أكتوبر عشان أوديه لـ دكتور هنا، أنتم هتحاسبوني؟ أنا حرة.. انشروها في كل حتة ودوها الدول العربية والأوروبية أنا حرة.
.
هجوم على الراقصة هندية
وكتبت سارة نخلة منشورًا، عبر حسابها الشخصي بموقع التواصل الاجتماعي فيس بوك: «الراقصة دي اسمها هندية، يوم ما كلبها رجله اتكسرت، راحت رمته في الشارع، مش قادر يتحرك عديمة الضمير، حسبنا الله ونعم الوكيل فيكي يا شيخة أشوف فيكي يوم، وليها عين تشتم أي حد بيدخل يكلمها».
اعتزال الراقصة هندية
وكانت تحدثت الراقصة هندية، عن تفاصيل اعتزالها الرقص، مشيرة أنه لم يرغمها أحد على الاعتزال، ولكنها لم تعتزل مهنة التمثيل، وذلك خلال تصريحات تليفزيونية لها.
وقالت:” أنا اتجوزت رجل الأعمال أيمن السويدي ودي قصة معروفة جدًا، وأنا متجوزاه كان سايبني بشتغل عادي لمدة شهر، وبعدين قعدت سنتين ونص في البيت، وهو كان زكي جدًا وعمره ما قالي متنزليش الشغل، ولكن كان بيقولي أنا عايزك تقعدي معايا، ومرة جاب مياه ودلقها على شعري علشان منزلش”.
وتابعت:” في مرة قالي انزلي بسرعة عايزك علشان بابا في المستشفى، ونزلت وأنا بالروب اللي كنت لابساه فوق بدلة الرقص، وقعدنا نلف في الشارع وقالي لأ أنا مزاجي إنك متشتغليش النهاردة، ودي كانت القشة اللي قسمت ظهر البعير، وقُلت له أنا معايا رجالة محترمة اللي هما فرقتي والناس اللي شغالة معايا، ودول ضهري وإخواتي ومش هينفع أطلع صغيرة قدامهم”.
وأضافت هندية:” بعد أسبوع أخويا توفي وقُلت ربنا بعتلي إشارة ومن ساعتها مرجعتش للشغل تاني”.
وأردفت: “أنا مش معتزلة التمثيل ولا حاجة، ولكن بعض المنتجين كانوا بيبعتوا ليا أدوار مش مناسبة، يعني لو مش هتضيف حاجة ليا أنا مش عايزاها، وأنا الحمد لله مستورة جدًا ومش محتاجة أدور على شغل من أجل إني أتعايش”.