عبرت الفنانة هنا شيحة عن ندمها لعدم تواصلها بشكل دائم مع الفنان الراحل هيثم أحمد زكي.
وقالت شيحة، عبر حسابها الشخصي علي موقع التواصل الاجتماعي إنستجرام، “الوقت مش موجود، حقيقي مش موجود، دايما فاكرين إن في وقت، في وقت أشوف أهلي، في وقت أكلم صحابي اللي واحشني، في وقت أرد على المكالمات اللي ما ردتش عليها”.
وأضافت هنا : “بس مفيش وقت، الوقت هو دلوقتي حالا، منستناش نعمل اللي حاسينه ونكلم اللي واحشنا لأنه فجأة ممكن ميبقاش موجود وسطينا ونزعل ونندم إننا قصرنا في حقه ومعملناش اللي كان نفسنا نعمله ومالحقناش”.
وأكملت شيحة: “حقك عليا يا هيثم، أنا قصرت في حقك ومكنتش بسأل عليك زي ما المفروض أسأل، زعلانة قوي من نفسي وأنت وحشتني وما شوفتكش وما لحقتش أشوفك، مشيت بسرعة قوي يا هيثم، مش مستوعبة إنك روحت، البقاء لله إنا لله وإنا إليه راجعون”.