قررت الفنانة هنا الزاهد الاحتفال بعيد ميلادها الـ 29 في مستشفى 57357، مؤكدة أنها قررت أن تحتفل بعيد ميلادها هذه المرة بشكل مختلف.
نشرت هنا الزاهد مقطع فيديو من زيارتها لمستشفى 57357 وهي تفاجئ الأطفال بالهدايا، وقالت خلال الفيديو الذي شاركته عبر حسابها الشخصي بموقع تبادل الصور والفيديوهات القصيرة انستجرام: «النهاردة يوم عيد ميلادي الـ 29، كنت دايمًا بحتفل به مع أهلي وصحابي وكانوا بيحضروا لي مفاجأة، وكنت بكون عارفة أنهم عاملين لي مفاجاة، ولكني النهاردة قررت احتفل به بشكل مختلف خالص».
View this post on Instagram
وعلقت هنا الزاهد على الفيديو الذي شاركته: «النهاردة بقيت 29 سنة آخر سنة في العشرينات.. قررت أنه يبقى مختلف وسنة جديدة عليا.. قررت محدش يجيبلي أي هدية وأنا اللي أجيب السنة دي 29 هدية».
وتابعت: «قضيت أجمل يوم في 57357، واحتفلت معاهم بعيد ميلادي، أنتم اسعدتوني يمكن أكتر بكتير من أني أسعدتكوا، طاقة إيجابية رهيبة حسيت بيها النهاردة، ربنا يسعد قلبكوا زي ما فرحتوني، ياريت تروحوا تزوروا الأطفال هناك مش بس هتبسطوهم انتوا كمان هتتبسطوا زيي النهاردة».