اعترض عضو نقابة المهن الموسيقية، حلمي عبد الباقي، على عودة مطرب المهرجانات حسن شاكوش للغناء مجددًا بعد حصوله على تصريح بمزاولة المهنة.
وبث “عبد الباقي” مقطع فيديو عبر حسابه الموقع الاجتماعي “فيسبوك”، وقال به: “اتقدم التماس من شاكوش بواسطة هيئة التحقيقات عشان ياخد العفو، وتناقشنا في المجلس وقولنا مش هندي قرار في الموضوع ده خالص كلنا تقريبًا او معظمنا في المجلس”.
وأضاف: “وأجلنا النقاش في الموضوع لحين المجلس القادم، وبعدين اتقالي ان فيه بيان مكتوب من الشئون القانونية بيقول ان مفيش حرمان لاي حد مدى الحياة من شغله واكل عيشه، ولو سمحت امضوا على البيان ده، وانا مضيت على هذا الاساس ان محدش يتحرم من شغله مدى الحياة، ولو حد يقدر يقول غير كده يطلع ويقولي انت كداب”.
حلمي عبد الباقي يعترض على عودة حسن شاكوش للغناء
واستطرد: “وانا وقفت اني امضي بس وقتها قولتلهم لو كان الموضوع يخص عودة شاكوش يبقى لازم يتعرض على المجلس الاول، وهما قالولي تمام”.
وتابع حلمي عبد الباقي: “انا عارف ان ممكن يحصلي مشكلة بسبب الكلام ده ومستعد حالا اني اقدم استقالتي، لان لا غيابي هينقص مني حاجة ولا وجودي هيزودلي حاجة”.
وأردف: “من كام يوم كنت موجود في النقابة وبعض اعضاء المجلس، وبعدها نزلت روحت ونمت ساعة وصحيت، بفتح السوشيال ميديا لقيت الاخ شاكوش ماسك الكارنيه وبيقول انه اخد الكانيه، مين بقى اداله الكارنيه الله اعلم”.
واستكمل: “على فكرة انا مش ضد حد ولا مع قطع ارزاق حد، ولكن كان لازم يبقى فيه شكل قانوني للموضوع، ولازم اهانة اخواتنا الموسيقيين كانت تترد على الملأ”.