كشف عضو نقابة المهن الموسيقية، المطرب حلمي عبد الباقي، عن تفكيره في قرار الاستقالة من نقابة المهن الموسيقية أكثر من مرة.
وقال “عبد الباقي” في بث مباشر عبر حسابه الرسمي بموقع التواصل الاجتماعي “فيسبوك”: “شايف فيه لغط كبير موجود بين اعضاء الجمعية العمومية، باختصار شديد اوي بعد انتخابات النقابة انا اللي اخترت لجنة الخدمات، لاني كنت حابب امسك لجنة الخدمات، وانا راضي تماما على اللي انجزته فيها، وعلى اللي عملته، ولو فيه يوم من الايام قصرت مع حد يطلع يقولي، كنت بخدم الكبير قبل الصغير بمنتهى الحب، والمعاش قبل العامل”.
وأضاف: “الحمد لله اني اديت رسالتي على اكمل وجه، وانا نفسي اعمل اكتر من كده 900 الف مرة، وكتير فكرت اني اقدم استقالتي من نقابة المهن الموسيقي، لكن والله اي كلمة بقولها بمنتهى الصدق”.
واختتم حلمي عبد الباقي: “فكرت اكتر من مرة في الاستقالة لاني تعبت، وكنت بزعل كتير، وحاجات كتير اوي بتحصل وانا مكنتش راضي عنها، ولكن اللي بيخليني اتنازل عن الاستقالة او ارجع في كلامي، هو خوفي من اني لو سبت مكاني اللي بعدي ميعرفش يكمل طريقي ويعمل اللي كنت بعمله، انا لا اقلل من قدر حد لكن عارف نفسي كويس”.
حلمي عبد الباقي: الله أعلم مين أدى لـ شاكوش الكارنيه.. وكانت لازم الإهانة تترد على الملأ
كما فجر عضو نقابة المهن التمثيلية، الفنان حلمي عبد الباقي، مفاجأت نارية بشأن عودة مطرب المهاجانات حسن شاكوش، مؤكدًا على ان القرار تم دون الرجوع للمجلس.
وبث “عبد الباقي” مقطع فيديو عبر حسابه الموقع الاجتماعي “فيسبوك”، وقال به: “اتقدم التماس من شاكوش بواسطة هيئة التحقيقات عشان ياخد العفو، وتناقشنا في المجلس وقولنا مش هندي قرار في الموضوع ده خالص كلنا تقريبًا او معظمنا في المجلس”.
وأضاف: “وأجلنا النقاش في الموضوع لحين المجلس القادم، وبعدين اتقالي ان فيه بيان مكتوب من الشئون القانونية بيقول ان مفيش حرمان لاي حد مدى الحياة من شغله واكل عيشه، ولو سمحت امضوا على البيان ده، وانا مضيت على هذا الاساس ان محدش يتحرم من شغله مدى الحياة، ولو حد يقدر يقول غير كده يطلع ويقولي انت كداب”.
واستطرد: “وانا وقفت اني امضي بس وقتها قولتلهم لو كان الموضوع يخص عودة شاكوش يبقى لازم يتعرض على المجلس الاول، وهما قالولي تمام”.
وتابع حلمي عبد الباقي: “انا عارف ان ممكن يحصلي مشكلة بسبب الكلام ده ومستعد حالا اني اقدم استقالتي، لان لا غيابي هينقص مني حاجة ولا وجودي هيزودلي حاجة”.
وأردف: “من كام يوم كنت موجود في النقابة وبعض اعضاء المجلس، وبعدها نزلت روحت ونمت ساعة وصحيت، بفتح السوشيال ميديا لقيت الاخ شاكوش ماسك الكارنيه وبيقول انه اخد الكانيه، مين بقى اداله الكارنيه الله اعلم”.
واستكمل: “على فكرة انا مش ضد حد ولا مع قطع ارزاق حد، ولكن كان لازم يبقى فيه شكل قانوني للموضوع، ولازم اهانة اخواتنا الموسيقيين كانت تترد على الملأ”.