عبرت الفنانة الشابة هدى المفتي عن سعادتها لـ تقديمها شخصية “نعومي” في فيلم ديدو مع الفنان كريم فهمي.
وصرحت خلال لقاء ببرنامج ET بالعربي قائلة: “كان نفسي أعمل حاجة للأطفال، بالنسبالي الأطفال هما الجيل الجاي، وكنت عايزة أعرفهم أنا مين وبعمل إيه، ونفسي يحبوني. نعومي شخصية لذيذة وخفيفة، ومش معقدة ولا متعبة إني ألعبها، وطفلة ليها طريقة كلام وحركات بعينيها، وكنت مبسوطة جدا وأنا نعومي”. .
وروت الصعوبات التي واجهتها أثناء التصوير قائلة: “كنت فاكرة إني متعاقدة على فيلم كوميدي طلع فيلم أكشن. إحنا اتبهدلنا في التصوير ومكناش بننام، وكنا بنصور ورا بعض، والتصوير كان صعب واتعلقت في أسلاك wires ومرة نمت وأنا متعلقة من التعب، والتصوير كان متعب جدا.”
وكشفت عن تجربتها الأولى في عمل مثل هذا والعمل مع كريم فهمي ومؤلف الفيلم قائلة: “أول مرة أشتغل مع كريم فهمي، وإن شاء الله مش آخر مرة. انبسطت قوي كريم إنسان ذكي ومتفتح وبيخاف على الكرو اللي معاه ومهتم بالتفاصيل. حتى لما كان بيخلص تصوير كان بيقعد معانا للآخر.”
وأشارت إلى سبب غيابها عن السباق الرمضاني الماضي لعام 2021، قائلة: “غصب عني كانت ظروف صحية، وبالنسبالي الحمد لله أي حاجة تمام، لإني اشتغلت « بيمبو »، ومكانش ينفع أشتغل رمضان و « بيمبو » في نفس الوقت. حاجة من الحاجات اللي كان نفسي أعملها إني أشتغل مع المخرج عمرو سلامة. الشغل معاه أرض خصبة تقدر كممثل تطلع اللي جواك من فن من غير كسوف أو خوف من تلقي رد فعل محرج. الورق كويس ومختلف، ومتأكدة إنه حيعجب الجمهور جدا”.
اقرأ أيضاً..
هدى المفتي:فيلم «ديدو» يقدم رؤية سينمائية متميزة تضيف لرصيد أي ممثل