كتبت/ سارة إبراهيم
عبر الفنان المصري هادي الجيار عن استيائه الشديد من الشائعات التي انطلقت مؤخرا حول وفاته، بالإضافة لغيره من الفنانين أمثال محمود ياسين وعادل إمام.
قال هادي الجيار، في مداخلة هاتفية ببرنامج “مساء dmc”: “أنا كنت بشتغل وجالي برد وكحة في الشتاء العادي بتاعنا، بس الظاهر كانت أكثر من كده، لغاية لما تعبت أوي فهما أصروا أروح المستشفى”.
وأضاف: “ومش عارف ليه الناس بتقلق من المستشفى ولما حد يتنقل ليها يعني توفي، أمال المستشفيات معمولة ليه تعبان روح أتعالج هناك وروحت وأتعالجت بقيت كويس جدًا”.
وتابع: “يعني لما مراتي تشوف خبر وفاتي ولا بنتي ولا أخواتي ولا أخويا اللي في أمريكا اللي كان برج من دماغه هيطير!.. الناس روحها بقت بسيطة على الناس كده ليه، كفاياكم إشاعات، وتأثيرها قاتل بيكسر نفسه”.
واستطرد: “يعني الأسبوع اللي فات مصطادين الأستاذ محمود ياسين يعني تعبان شوية عشان سنه عادي زي أي إنسان، وعادل إمام أصل تعب أو توفي مالكوش شغلانة غيرنا ولا إيه؟، وإحنا في ظروف مش لذيذة كورونا، يعني غم كتير مش ناقصة”.