حلت الفنانة هاجر أحمد ضيفة ببرنامج “معكم” مع الإعلامية منى الشاذلي ويعرض عبر قناة “cbc” الفضائية، من الاربعاء للجمعة في تمام الساعة 9 مساءً.
هاجر أحمد عن أعمالها القادمة
ويعتبر هذا اول ظهور إعلامي بعد زواجها، وكشفت عن اعمالها القادمة قائلة: “عندي فيلم مهم اوي بعمله وصورت نص فيلم أهل الكهف وهسافر اكمل تصويره وشخصيتي في بعمل دور بنت قديسة ومش عايزة احرق الفيلم”.
وتابعت قائلة: “ومشاركة في فيلم كوميدي اسمه زومبا مع نجوم مسرح مصر والفيلم دمه خفيف جدا ومكتوب حلو اوي وبصوره حالياً”.
هاجر أحمد تعبر عن سعادتها بـ زوجها وتكشف عن هوايتها
وعبرت عن سعادتها الشديدة بأن زوجها يدعمها قائلة: “جوزي بيدعمني طول الوقت وبيتفرج على كل اعمالي وعلى طول بحب اخد رأيه جدا في كل حاجة”.
وأوضحت انها تقوم بالطبخ بعد الزواج قائلة: “أنا بطبخ وبحب اطبخ جدا من وانا في بيت اهلي بس في البيت كنا بنعمل اكل كلاسيك، في الجواز الموضوع مختلف واللي هو انتي لازم تعملي ده انما في بيتنا كنت بدلع وايام التصوير قبل الجواز كانوا بيجوا يلاقوني نايمة دلوقتي بيجولي البيت يلاقوني في المطبخ اللي هو لازم احضر اكل قبل ما انزل الشغل”.
وأضافت قائلة: “وكتير لما نروح مطعم مثلاً ناكل وأحمد تعجبه الاكلة افضل افنن واعملها واجيب الوصفة من على النت”.