كشفت الفنانة هاجر أحمد كواليس بداية حياتها الفنية، وكيف كان المخرج تامر محسن له فضل كبير عليها، كما عبرت عن فخرها بعد مشاركتها في تقديم كأس الامم الافريقية.
هاجر أحمد عن المخرج تامر محسن
وروت خلال حوارها مع الإعلامية منى الشاذلي ببرنامج “معكم” الذي يعرض عبر قناة cbc الفضائية من الاربعاء الى الجمعة في تمام الساعة 9 مساءً قائلة: “في البداية كنت لسه متخرجة وقعدت سنتين مشتغلتش واتفرجت على مسلسل تحت السيطرة وحسيت ان غيرانه وقعدت ادور مين المخرج ومين المؤلف”.
وتابعت قائلة: “فضلت أدور لحد ما وصلت لتامر محسن وحكيتله قصة كبيرة اوي وقولتله انا غيرانة جدا وعايزة امثل حاجة زي كده وقولتله اهلي مش موافقين بس انا حابة وكلام كبير”.
وأوضحت قائلة: “ورد عليا بعدها بـ يومين وقالي لا انتي مدام عندك حلم لازم تحققيلي واقنعي اهلك ولازم تكملي وحقيقي لي فضل كبير عليا بعد ربنا وبعد رسالته حبيت ان انا اجتهدت وقومت وحاربت.. لاقيته بعتلي وقالي انا بعمل مسلسل هذا المساء تعالي اعملي مقابلة وقعدت شهر ونص عقبال ما اخد الدور لان الاستاذ تامر محسن بيختار الشخصيات بعناية جدا جدا ودقة”.
وعن مشاركتها في تقديم كأس الامم الافريقية قالت: “انا فرحت جدا بمشاركتي في تقديم حفل كأس الامم وكنت فخورة جدا وانا بقدمه وكنت حاسة ان بقدم عمل وطني ومكنتش عايزة اي حاجة”.
هاجر أحمد عن حكاية “بدون ضمان”
أوضحت انها بعد زواجها بـ شهر ونص عادت للتصوير مرة أخرى، موضحة انها تشارك في حكاية جديدة من مسلسل “إلا أنا” والحكاية تناقش قضية جديدة ومهمة في المجتمع المصري.
وذكرت قائلة: “رجعت على طول بعد جوازي بـ شهر ونص على تصوير حكاية “بدون ضمان” من مسلسل إلا أنا”.
وكشفت عن دورها في هذة الحكاية قائلاً: “بعمل حدوته 10 حلقات والحدوتة ديه مهمة جدا وكان نفسي اقدم فكرة زي ديه من زمان وهي بتتكلم عن المشاكل الاسرية وخاصة للست بعد الطلاق وايه اللي بيواجه الست بعد الطلاق”.