أعربت الفنانة نيللي كريم عن حزنها الشديد، لوفاة والدها، مشيرة إلى أنهم اخفوا عليها خبر وفاته، وعندي سؤالها عنه كانوا يقولون مصاب بوعكة صحية.
وذكرت نيللي خلال لقائها في برنامج بصراحة قائلة: لما والدي توفى مكنتش ساعتها فاهمة مدى المصيبة والحدث، وكنت صغيرة وعندي 16 سنة وماما وأخواتي كانوا مخبيين عليا وكنت بسألهم يقولولي عنده برد وهيبقى كويس.
نيللي كريم تكشف كواليس وفاة والدها
وأضافت: ماما عملت كل حاجة ممكنة أني متأثرش وخبت ومشوفتش أمي ولا مرة بتعيط غير مرة واحدة لوحدها، وهي طول الوقت كانت قوية وماسكة نفسها، وحسيت لما بقيت أكبر وبقيت أقول لو بابا كان عايش مكنش دا حصلي.
وأختتمت نيللي كريم: بحس بروح بابا وأنه موجود وماما بتحس بيه على طول وعندها الروحانيات عالية جدا وبتقولي الحاجة قبل ما تحصل، ومن 7 سنين حصلتلها جلطة في المخ وساعات بتنسى حاجات كتير وتقول كلام محصلش، وممكن تقول حاجة وبعد أسبوع تحصل وأنا مؤمنة أن فيه ناس روحانيتها عالية جدا بسبب النقاء اللي في قلبهم.