ردت الفنانة نيللي كريم على تصريحات الفنان باسم سمرة ضدها، أكدت أنها فضلت التزام الصمت، لكونها تعلمت الفن منه، وذلك خلال برنامج «تفاعلكم» والذي تقدمه الإعلامية سارة دندراوي، على فضائية العربية.
وقالت نيللي كريم: «آخر مرة اشتغلت مع باسم كانت في ذات وبعدها مجتش فرصة نشتغل في أي عمل فـ اللي هو حكاه ده ماحصلش .. لكن إن باسم يقول إن أنا اتعلمت منه تمثيل فـ أنا بتعلم كل يوم».
مضافة: «وبتعلم من المخرج لو أول مرة أشتغل معاه ، بتعلم من الممثل ودي حاجة مش عيب .. اه اتعلمت من باسم لأنه أستاذ كبير ومسلسل ذات كان مهم ودور يخض فـ احنا الاتنين مع بعض وإني أتعلم منه ده شيء مش عيب .. الأستاذة انتصار طبعًا اتعلمت منها هي ممثلة رائعة، فـ أنا ماردتش لأني أه بتعلم .. أيوة يا جماعة يا ننجوم يا كبار أنا بتعلم منكم وشرف ليا إني اشتغلت معاكم».
مختتمة: «أنا بس بلوم على انتصار إنها قالت بتاعة باليه .. وجت، هو بتاع الباليه ده مش ماشي في الشارع .. دي أكاديمية فنون ومعهد باليه وأنا كنت دارسة إخراج مسرح فـ مش جاية من الشارع .. أنا دارسة باليه وموسيقى وفن مع دكاترة كبار، فـ ماحبتش الطريقة دي .. لكن أرجع أقول أنتو أساتذة كبار وأنا تعلمت واتشرفت وعايزة أحيي انتصار على دورها اللي عملته في مسلسلها الأخير كانت رائعة».