أكدت النجمة نيللي على أنها ملتزمة في مواعيدها جدًا، مشيرة إلى أنها ترفض العديد من الأعمال الفنية المعروضة عليها والتي تقدر بالملايين.
وقالت الفنانة نيللي خلال حوارها في برنامج ع اللوكيشن الذي يذاع علي راديو هيتس: “عيبي مواعيدي المظبوطة اوي و دة عيب مع اللي مواعدهم وحشة، وانا مابتهمنيش الفلوس و مابتفرقش معايا، و دلوقتي بأعتذر عن أعمال بالملايين و انا عمري ما أخدت الأرقام دي زمان، وأكتر فيلم بحبه أنا و أنتي و ساعات السفر”.
نيللي: عيبي مواعيدي المظبوطة.. وبعتذر عن أعمال بالملايين
وأضافت: “وأول دخول للوسط الفني كان عندي ٤ سنين ووقتها كانت فيروز اختي المعجزة نجمة، و مخدتش قرار دخول الفن ودي حاجة حصلت لوحدها فأنا اتولدت في البلاتوه ، جاء ذلك والبرنامج من تقديم شريف الليثي “.
وأردفت: “طموحي هو اللي أنا وصلتله بالفعل، و اسعد لحظات حياتي الفوازير بفتكرها علي طول. وتابعت الشغل بالنسبالي تضحية.. أعمل أي حاجة عشان شغلي، و كنت بتبسط اوي لما الناس بتوقفني و تتصور معايا من صغري، و انا كل شوت بعمله كان من قلبي و من جوايا من إحساسي فلازم يوصل للناس”.
واستطردت: “احلي حاجة في حياتي و أحلي ذكريات عمري هي الفوازير، ومن سعادتي بالفوازير مكنتش بحس بالتعب و مكنتش بنام و علي قد التعب علي قد الفرحة”.
واختتمت قائلة: ا”كتر كلمة بقولها الحمدلله، واحسن و أقرب عمل لقلبي الفوازير، ومبدئي في الدنيا الإخلاص و الثبات و العطاء، و لو مكنتش فنانة كنت هبقى فنانة”.