روت الفنانة نور اللبنانية، تفاصيل عن طبيعة حياتها اليومية مع الأولاد، وكيفية خروجها من منزل وقت توصيل الأولاد إلى سيارة المدرسة.
وقالت الفنانة خلال لقاءها مع الفنانة إسعاد يونس، ببرنامجها “صاحبة السعادة”، المذاع عبر فضائية dmc: “أي مدرس للعيال لما يجي البيت بيتخض، لكن بعد كده بيتعود، لكن المدرسي الي في باص بيتصدموا أكتر، لأني بلبس أي حاجة واخرج اوصل ولادي بيها”.
وأضافت: “في الأول كنت بعمل مجمهود وبعمل شعري الأول والبس واتشيك، وابص في المرايا، عشان اخرج اودي العيال على الباص، بعدين بدأت اذهق من المجهود، وبدأت اعمل شعري بس والبس اي حاجة، في المرحلة التالتة تخليت عن عمايل الشعر وبقيت اخرج بالبيجامة، وعليها شال، ومبقتش ابص في المرايا”.
وتابعت: “بقى كل الي في الباص يبصوا كده ويقولوا لنفسهم بقى ديه نورالفنانة، ومستغربين”.
نور: باكل محشي قبل التصوير.. والناس فكراني مقضياها تدليك
من جانبها، أعربت نور اللبنانية، عن سعادتها العارمة بالاستقرار في مصر، مؤكدة على أن البلد احتوتها وفتحت يدها لها بحفاوة.
وقالت الفنانة خلال لقاءها مع الفنانة إسعاد يونس: “مصر بتفتح ايديها لناس كتير، وبستقبل ناس كتير، والجملة دي فعلا حقيقية وانا واحدة منهم”.
وكشفت تفاصيل حياتها الزوجية، وكيف قابلت الاختلافات التي كانت بينها وبين زوجها في السنة الأولى من الزواج.
وقالت: “احنا مختلفين في تفاصيل كتير جدا، أخدت وقت عشان اتكيف معاه و أول سنة جواز كانت صعبة ، و من أكتر التفاصيل اللي كنا مختلفين فيها انه بيحب يصحى بدري الصبح على صوت منبه مزعج ، وكنا بنتخانق على التكيف عشان ببرد بسرعة، لكن مع الوقت اتأقلمنا”.