تحدثت الفنانة الشابة نورهان منصور، عن تعرضها للتحرش، مشيرة أن رد فعلها في تلك اللحظة كانت تلقائية، كما تحدثت عن بداية دخولها للمجال الفني.
وقالت نورهان منصور في تصريحات تليفزيونية: ضربت واحد اتحرش بيا قبل كده وكان رد فعلي وقتها كان تلقائي بصراحة.
وتابعت: أهم حاجة في حياتي إني أكون على اتصال قوي بـ ربنا وده بيفرق معايا جدًا بيحققلي نشوى كبيرة وبحس بدعمه ليا أوي، ولما بقصر برجع بشوق كبير أوي.
وأضافت: مش عارفة ليه الناس واخدة فكرة عني على السوشيال ميديا إني بنت بحب الفاشون واللايف ستايل والسفر، ولكن أنا بحب السفر والدراسة والقراءة جدًا، أنا ملتزمة ومنظمة أوي بزيادة.
وعن بدايتها الفنية، قالت نورهان منصور: أنا درست مسرح بس كنت حابة أشتغل ورا الكاميرا، لكن رانيا أختي من البداية هي اللي كانت محددة من البداية إنها عايزة تمثل، ولكن أنا وهي عملنا مع بعض مسلسل نصيبي وقسمتك، ونقدر نقول أن رانيا هي اللي ساعدتني.