نرمين الفقي/ روت الفنانة عن أغرب عريس تقدم لها ، وتفاصيل وحكايات عن حياتها الشخصية والفنية.
وصرحت خلال حوارها مع الإعلامية لميس الحديدي، ببرنامج كلمة أخيرة، المذاع عبر قناة أون الفضائية قائلة: “معنديش حاجة معينه غريبة ومش متذكرة حاجة معينة بسبب انهم كانوا كتير اوي بس مش فاكرة ان قولت على حد هوافق عليه وطلع شخص غريب”.
مواصفات فتى أحلام نرمين الفقي
وتحدتث نرمين الفقي خلال اللقاء عن مواصفات فتى أحلامها، ومشيرة إلى انها لا تحب المال ولا تريده مليردير قائلة: “الفلوس مش بتهمني ده انا قعدت 11 سنة بنفس العربية ولسه مغيرها من فترة قصيرة”.
واردفت قائلة: “الفلوس مهمة وكل حاجة ومش معنى كدة ان اتجوز مليردير لا ممكن اوافق على واحد اقل مني مادياً بس يكون عنده صفات مميزة واهم حاجة يكون راجل واحس اني بتسند على راجل بجد، ومش خايفة من الوحدة ولا خايفة ان اعنس بس بخاف ان اختار غلط والحب والراجل ده رزق بس يكون راجل بمعنى الكلمة”.
تفاصيل تغيبها عن الفن والتمثيل
وأوضحت أسباب تغيبها عن الفن والتمثيل قائلة: “غيبت بسبب ان ماما كانت تعبانة، وكان في ثورة وكنت بتنقل من بيت لبيت عشان افضل جمب اهلي لانهم ملهومش غيري ومكنتش بلاقي ادوار كويسة”.
وتابعت قائلة: “ورجعت تاني من خلال مسلسل جبل الحلال كان دور بسيط وصغير بس شاركت ووافقت عليه عشان خاطر الاستاذ محمود عبدالعزيز، ووفقت من غير ما اعرف الدور وقولت كفاية ان امشي قدام الكاميرا في عمل هو موجود في عمل في الفنان محمود عبدالعزيز بس دوري كبر وظهرت في 15 حلقة”
أخر أعمالها
وخاضت السباق الرمضاني السابق لعام 2021 بمسلسين وشخصيتين عكس بعض تماماً، وهما مسلسل النمر بطولة محمد إمام وهنا الزاهد، ومسلسل ضل راجل، بطولة ياسر جلال، ونور اللبنانية، ومحمود عبد المغنى.