يخوض الفنان عمر محمد رياض، نجل الفنانة رانيا محمود ياسين أولى مشاركاته في التمثيل، وذلك من خلال حكاية “أوضة وصالة”، من مسلسل نصيبي وقسمتك.
من جانبه كانت قد أعلنت الفنانة رانيا محمود ياسين عن خوض نجلها عمرو محمد رياض أولى تجاربه التمثيلية من خلال مسلسل نصيبي و قسمتك الجزء الرابع ، و هو من تأليف شقيقها الكاتب عمرو محمود ياسين.
نجل رانيا محمود ياسين يدخل الوسط الفني
وفي تصريحات خاصة لـ أوان مصر كشفت رانيا عن تفاصيل أول عمل درامي لـ نجلها قائلة: أنا الأول مكنتش مشجعاه، بس هو واخد الموضوع بشكل جدي، هو بيدرس آخر سنة في إعلام و دخل اكاديمية استاذ خالد جلال في مركز الابداع، و هو كمان بيحب الكتابة في ورشة أحمد مراد فهو مش داخل الموضوع عشان اهله في الحكاية، هو داخل فيه و بيثقله بالدراسة.
تابعت: و هو استنى شوية لحد لما دخل الاكاديمية، و أول عمل ليه مش نصيبي و قسمتك، كان قدم في فيلم “فيلم تجاري”، مع الفنان عمرو عبد الجليل و حمدي المرغني، و عمرو لما اتشجع و كتبله ده ، كان عمل ده من نفسه و سمع عن شطارته .
وأضافت: الناس اللي فاكرة أنه ولاد الفنانين بيورثوها، لا أنا ابني خدها من تحت و زي كل الناس راح مكاتب الكاستنج بدون ما يعرفوا هو ابن مين، و لما دخل ورشة أحمد مراد اكتشف انه حفيد محمود ياسين لما اتوفى.