علق أحمد حسام ميدو نجم منتخب مصر الأسبق ، عبر حسابه الشخصي على موقع التواصل الاجتماعي “تويتر” بشأن تصريحات حسام البدري المدير الفني لمنتخب مصر الأول عن مصطفى محمد لاعب الزمالك وقال: “مصطفى محمد أفضل مهاجم في مصر، ولكن طبيعي إن مدرب المنتخب يطلع يقول إنه محتاج يشتغل على نفسه كتير علشان يكون المهاجم الاساسي للمنتخب.. المدرب من حقه إنه يستخدم الإعلام في بعض الأوقات لإخراج أفضل ما عند لاعبيه، خاصة لو كان لاعيب صغير في السن”.
وأضاف: “لازم كلنا نستنى قرارات حسام البدري الفعلية وليس تصريحاته.. ممكن يكون حسام البدري بيستفز مصطفى علشان يموت نفسه علشان يكون المهاجم الأساسي للمنتخب.. لو حسام البدري صرح دلوقتي إن مصطفى أحسن مهاجم في مصر تبقى دي بداية النهاية بالنسبة لمصطفى!! أنا مع تصريحات حسام البدري!!”.
وأوضح: “مصطفى من نوعية اللاعيبة اللي لازم يتحط تحت ضغط على طول علشان يديك أحسن حاجة عنده.. ماعنديش أي شك إن مصطفى هيكون مهاجم المنتخب الأساسي مع حسام البدري”.
وأشار: “مش فاهم في ناس عايزة مدرب المنتخب يقول للاعيبة الصغيرة أهلا بيكم مكانكوا محجوز في المنتخب.. اعملوا اللي انتوا عايزينه الفترة اللي جاية وأنا في ظهركوا.. مفيش أي مدرب كبير بيعمل كدة أبدا!!”.
وأتم: “أخيرا لو لم يشرك البدري، المهاجم مصطفى محمد أساسيا مع المنتخب وأعطاه الوقت الكافي في المباريات القادمة ليثبت للجميع أنه يستطيع أن يكون المهاجم الأساسي، سأكون أول المنتقدين له، ولكن حتى الآن أنا مع تصريحاته فيجب أن يعلم مصطفى بأن مازال أمامه الكثير من العمل ليكون مهاجم مصر الأول”.
مصطفى محمد افضل مهاجم في مصر ولكن طبيعي ان مدرب المنتخب يطلع يقول انه محتاج يشتغل على نفسه كتير علشان يكون المهاجم الاساسي للمنتخب..المدرب من حقه انه يستخدم الاعلام في بعض الاوقات لاخراج افضل ما عند لاعبيه خاصة لو كان لاعيب صغير في السن..
— Mido (@midoahm) October 3, 2020
لازم كلنا نستنى قرارات حسام البدري الفعليه وليس تصريحاته..ممكن يكون حسام البدري بيستفز مصطفى علشان يموت نفسه علشان يكون المهاجم الاساسي للمنتخب..لو حسام البدري صرح دلوقتي ان مصطفى احسن مهاجم في مصر تبقى دي بداية النهاية بالنسبه لمصطفى!! انا مع تصريحات حسام البدري!!
— Mido (@midoahm) October 3, 2020
مصطفى من نوعية اللاعيبه اللي لازم يتحط تحت ضغط على طول علشان يديك احسن حاجه عنده..ماعنديش اي شك ان مصطفى هيكون مهاجم المنتخب الاساسي مع حسام البدري..
— Mido (@midoahm) October 3, 2020
مش فاهم في ناس عايزه مدرب المنتخب يقول للاعيبه الصغيره اهلا بيكم مكانكوا محجوز في المنتخب.. اعملوا اللي انتوا عايزينه الفتره اللي جايه وانا في ظهركوا..مفيش اي مدرب كبير بيعمل كده ابدا!!
— Mido (@midoahm) October 3, 2020
اخيرا لو لم يشرك البدري مصطفى محمد اساسيا مع المنتخب واعطاه الوقت الكافي في المباريات القادمه لان يثبت للجميع انه يستطيع ان يكون المهاجم الاساسي سأكون اول المنتقدين له ولكن حتى الان انا مع تصريحاته فيجب ان يعلم مصطفى بان مازال امامه الكثير من العمل ليكون مهاجم مصر الاول..
— Mido (@midoahm) October 3, 2020