شارك الفنان مهند حسني متابعيه، عدة صور جديدة له، من إحدى مشاهده في الحلقة الماضية من مسلسل “الطاووس”، الذي يعرض حالياً خلال شهر رمضان، وجاء ذلك من خلال صفحته الشخصية عبر موقع التواصل الاجتماعي “إنستجرام” لتبادل الصور ومقاطع الفيديو.
ونشر “حسني” الحوار الذي دار في هذا المشهد، عندما كان يصلي ويناجي الله تعالى، ويدعو بأن يتقبل توبته، واشتمل على:”بتهدينى أنا يارب .. بترجعنى ليك؟!، هو أنا بصلى بجد؟! هو انت خليتنى أقف بين إيدك بجد؟!، بعد كل اللى عملته ده ولسة عايزنى فى رحمتك؟!، فاتح بابك ومبتقفلوش .. أنا واقف قدامك حاسس بيك .. حاسس بوجودك .. الكبر والعند عمونى، بس أنا دلوقتى حاسس بوجودك فى كل التفاصيل .. أنا أول مرة أحس أنى مش خايف .. أنى مسنود”.
وتابع:”هو انت بتحبنا أوى كدة .. بتحبنا فا بتبعتلنا إشارات طول الوقت .. بتبعتلنا إشارات تفوقنا ..أنا مش جاى أقولك نجينى .. أنا جاى أقولك سامحنى انا حتى ماليش عين أقولك سامحنى .. بس اللى عرفته عنك أن انت رحيم .. رحيم وكبير أوى يارب وأنا صغير .. عبد .. أنا اكتشفت أن أنا ولا حاجة .. يارب أنا نفسى لما أقابلك أقابلك طاهر .. سامحنى يارب .. أنا أسف”.
وعلى هذا الغرار يعرض مسلسل الطاووس في الساعة 12 مساءً على قناة النهار وفي 11مساءً على النهار دراما، ويشمل المسلسل مجموعة قوية من كبار الفنانين أبرزهم جمال سليمان، رانيا محمود ياسين، سهر الصايغ، سميحة أيوب، هالة فاخر، فرح الزاهد، نهال عنبر، من إخراج رؤوف عبد العزيز، وإنتاج شيري مجدي، وتأليف كريم الدليل.
اقرأ ايضا..