أعربت الفنانة شهيرة حمدي، زوجة الفنان الراحل محمود ياسين، عن شوقها الشديد له، عبر حسابها الرسمي بموقع التواصل الاجتماعي “فيسبوك”.
ونشرت صورتها من إحدى المسلسلات، وكان ينتابها حالة شديدة من الحزن، وكتبت: “ده حالي النهارده.. كل سنه وأنت حبيبي مهما بعدت أنت قريب يامحمود ربنا يرضي عنك ويراضيك بجنات النعيم.. كل سنه وكلكم وحبايبي طيبين”.
قصة حب شهيرة ومحمود ياسين
وكانت قد كشفت شهيرة لأول مرة عن قصة تعرضها للسحر خلال استضافتها في برنامج “واحد من الناس” مع الاعلامي عمرو الليثي.بعد مشاركتها في فيلم “وصمة عار”، قالت: “تعرضت للسحر بشكل شخصي بعد ما عملت فيلم “وصمة عار” علشان أخدت فيه أكتر من جايزة وكنت أهم نجمة بوزع في الفيديو وهو ما أثار حفيظة حد الله أعلم هو مين”.
وأضافت: “فجأة لقيت نفسي مش قادرة أضع مكياج على وجهي وأشعر بشكشكة شديدة، فقررت أسافر باريس وأكدوا لي أنني سليمة، وفضلت سنتين لم أقدر بوضع ميكب وبالتالي مش بشتغل، وفي بعض الأشخاص لما عرفوا اللي حصل لي قالوا لي دا سحر وفلانة هي اللى عملته لأنها متخصصة في السحر والأعمال، لكن أنا مقدرش أكد ده”.
وعن كيفية شفائها من السحر قالت: “أخرج من الموضوع بقراءة القرآن، ولكني مش عاوزة أظلم حد، بس كانت حاجة غريبة، ليه وقتها ليه ماكنتش أقدر أحط ميكب أشمعنى الميكب بالتحديد لأن ده هيأثر على شغلي أكيد”.