هاجم مصمم جرافيك كليبات “حمو بيكا“، محمد نادر والملقب بـ “حمو الرايق”، الفنان تامر عبد المنعم، وذلك بعد أن أساءته لـ بيكا، أثناء المؤتمر الصحفي الذي عقد أمس الثلاثاء برئاسة نقيب المهن الموسيقية هاني شاكر.
مصمم جرافيك حمو بيكا يهاجم تامر عبد المنعم: تاريخك معروف بقلة الأدب
وذكر حمو الرايق، خلال منشور له عبر حسابه الشخصي بموقع التواصل الاجتماعي “فيسبوك”، قائلاً: “الله على اللي عايزين يرتقو بالذوق العام .. روحو بس نضفو نفسكم كويس من العفانه والمرض اللي في قلوبكم وتعالو كلمونا”.
وواصل:” بيعاير حمو انه جاهل بس ميعرفش انه وراه اخواته عينه ونظره في الدنيا .. وصدقني مش هنسمح لاشكالك انهم يتكلمو علينا نص كلمه.. لانك شخص متعرفش يعني ايه احترام .. وتاريخك معروف بالنجاسه يالي عايز ترتقي بالذوق العام .. ابقي افتكر المشاهد اللي في افلامك اللي كله بوس وايحات جنسيه”.
واختتم:” بعدين وطنيه ايه اللي بتتكلم عليها؟ نسيت نفسك .. بس لو نسيت التاريخ مش بينسي”.
تامر عبد المنعم يهاجم حمو بيكا
من جانبه كان قد شن الفنان تامر عبد المنعم، عدة هجمات متتالية على مطرب المهرجانات حمو بيكا، حيث ذكر عبد المنعم خلال حسابه الشخصي بموقع التواصل الاجتماعي فيسبوك قائلاً: “السؤال للدكتور حمو بيكا ولا ما حموهوش وكان إيه علاقة الحج نجيب ساويرس أما دافع عنكم ؟!”.
وأردف:” ثم أنا ما هاجمتكش أساسا كل الموضوع أني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الامتحان وربنا معاه يعني ما منعكش”.
وتابع:” أما بالنسبة لوطنيتك اللي اقحمتها في الموضوع أحب أقولك أنا لم أشكك فيها وبالمناسبة وجودك أنت وفرقتك في احتفالات أكتوبر مش دليل عليها عشان تستند عليه شكرا.. نسيت أقول لك شوف حد بيعرف يقرأ عشان يقرأ لك”.