تحدث الفنان مصطفى هريدي عن العديد من المواقف النبيلة التي جمعته بالفنان الراحل عامر منيب، وذلك خلال حواره في برنامج الستات ميعرفوش يكدبوا الذي يقدمه الإعلاميتين منى عبد الغني، والإعلامية إيمان عز الدين .
قال مصطفى هريدي عن الراحل عامر منيب: «في بداية شغلي مكنش ليا أجر كبير، وعامر منيب سألني وقولتله، وقالي هتكلم مع المنتج واداني ضعف اللي كنت باخده».
وأضاف: «إنسانيًا هو عنده حب غير طبيعي للناس، عامر حاطت رزمة فلوس في باب العربية دايمًا عينه على الناس الغلابة في الشارع، كان إنسان رائع، ويستاهل ألف رحمة ونور».
مصطفى هريدي عن أيمن بهجت قمر
وتحدث مصطفى هريدي أيضًا عن علاقته بالشاعر أيمن بهجت قمر، قائلًا: «أيمن أخويا وعشرة العمر، اقنعني اجي لأني قعدت 4 سنين برا، وقالي لو قعدت اكتر من كده هتتنسى، والفترة دي حصل فيها تغيير كبير في السوق، وعشان دي شغلتي ومعنديش شغلة تانية غيرها».