أعلن الفنان صبري فواز عن مدى سعادته بـ قرارات الجديدة التي تم صدورها أمس، من قبل مجلس نقابة المهن الموسيقية، بشأن مطربي المهرجانات.
وكتب صبري فواز منشورًا، عبر حسابه الشخصي بموقع التواصل الاجتماعي فيس بوك، ليعلق على القرارات كما علق على وصف مصطفى كامل له بـ الجاهل قائلًا: «على فكرة القرارات اللي طلعت من نقابة المهن الموسيقية النهارده حاجة كويسة جدًا.. إنك تستوعب كل مؤدي المهرجانات وتعمل لهم شعبة في النقابة، أيًا كان اسمها مش مهم الاسم، ويدفعوا اشتراكات ورسوم، هتفيد النقابة وأعضاءها».
وواصل فواز: «ده غير إنك هتشغل مع كل واحد، منهم مجموعة من العازفين من أعضاء النقابة، هيفيد العازفين وهيطور أداء مغنيين المهرجانات.. وده كان الغرض من البوست اللي عمل دوشة».
وأضاف صبري فواز: «أنه المنع لا يفيد لا النقابة ولا المغنيين.. وآدينا شفنا بعينينا إن المنع ما قدرش يحجب حاجة، زي أنتش وأجري من الانتشار، يبقى ايه الطريق الأنسب؟، الطريق الأنسب هو اللي النقابة عملته ده برافو بجد.. وبالتوفيق للجميع، ولو إن النقيب قال عليا جاهل في أحد البرامج.. بس أنا مسامح عشان القرارات الحلوة دي.. قشطة يابا؟».
صبري فواز لـ مصطفى كمال: إيه الفرق بين المهرجانات وقشطة يابا
وعلى صعيد متصل قد سخر الفنان صبري فواز من قرارات مصطفى كامل الأخيرة، وذلك عبر حسابه الشخصي بموقع التواصل الاجتماعى «فيسبوك».
كتب صبري فواز، قائلًا: «عاوزين حد متخصص من نقابة المهن الموسيقية يفهمنا ويعلمنا.. إيه الفرق بين المهرجانات، وقشطة يابا».