علق الفنان ونقيب الموسيقيين مصطفى كامل، عن الجدل الذي تعرض له مؤديين المهرجانات عمر كمال وحمو بيكا وحسن شاكوش بسبب لوحات والتي ظهرت بأسمائهم بسياراتهم الفارهة، بجانب الحديث عن حقيقة خلافه مع الفنان هاني شاكر.
وقال مصطفى كامل: «أي حد يحاول يدخل في علاقتي بـ هاني شاكر، علشان يبوظها أو يوصل كلام غلط على لساني أو لسانه بقوله ريح دماغك إحنا أصحاب عُمر وأنا سني مش صغير عندي 53 سنة وعشت وصادقت هاني شاكر قبل ما أتجوز مراتي وقبل ما أولادي يبقوا شباب ونفرح بيهم صاحبي وصديقي ونجاحات كتير».
مصطفى كامل عن هاني شاكر: إحنا أصحاب عمر
متابعًا: أ«ي حد يحاول يدخل في العلاقة دي أنا بقوله ريح دماغك إحنا أصحاب عمر، هاني شاكر كان عنده مشكلة مع متعهد في دولة ما قريب وأول واحد كلمني هو أنا ومفيش صديق يعوضه».
وعن موقفه من جدل الذي تعرض له عمر كمال وحمو بيكا وحسن شاكوش على لوحات بأسمائهم بسياراتهم الفارهة، أوضح: أنا مش بتاع أرقام عربيات، ودوري في النقابة رعاية المهنة وأهلها وأي أمور قضائية تقدم تروح للنيابة مليش علاقة.