روى الفنان مصطفى فهمي كواليس أزمته مع طليقته، وأوضح أنه لم يسرق أشياء زوجته، وقام بتجهيز أدواتها وتجميع ملابسها في شنط لكي تأخذهم، وينتهي كل شئ بالمعروف، ولكن هي فعلت عكس ذلك تماماً.
مصطفى فهمي عن طليقته
وصرح أثناء حواره مع الإعلامي عمرو أديب ببرنامج “الحكاية” الذي يعرض عبر قناة Mbc مصر الفضائية، من يوم الجمعة حتى الاثنين في تمام الساعة 10 مساءً، قائلاً: “انا غيرت مفاتيح الشقة وده حقي وهي لما رجعت من لبنان قعدت 10 ايام في فندق ومكلمتنيش او معرفتش توصلي في مكتب كان هيروح يفتحلها الشقة”.
وتابع قائلاً: “وهي اللي كسرت الباب وقالت ان حاجاتها اتسرقت، بس انا لميت حاجاتها كلها وحطيتهم في شنط والمكتب عارف الموضوع ده، وهي عايزة حقها وانا مش ممانع ده خالص وحاجاتها كلها موجودة في الشقة ومؤخرها جاهز”.
وأضاف قائلاً: “وهي دلوقتي قاعدة في الشقة وجايبة واحد بتاع امن واقف على الشقة وحاطة مكتب وهي قاعدة وانا قاعد في فندق وحاجاتي كلها في الشقة وهدومي كلها في الشقة”.
مصطفى فهمي يوضح أزمته مع طليقته
وأشار قائلاً: “وأنا كمان جبت واحد بتاع امن عشان حاجاتي في شقة انا معرفش هي هتاخد ايه وبتخرج ايه من الشقة، وهي مشيت الامن اللي كانت جايباه وراحت جابت ظابط من قسم الدقي واتعد عليا ان جايبلها واحد ماسك سكينة بيهددها وان البواب بيهددها والشاب اللي انا كنت جايبة في سنة اولى جامعة وبات يومين في الحبس ووالدته باصت ايد المحامية عشان تطلعه بس معرفتش، وقالت عليا اني ارهابي، وهقتلها، طب ليه البهدلة ديه كلها”.