قال الفنان مصطفى فهمي، أن والد طليقته الإعلامية فاتن موسى، لم يتخذ أي قرار بشأن طلاقهما، ونصحه بأن لا يتدخل أي شخص بينهما.
مصطفى فهمي يتحدث عن طلاقه لـ فاتن موسى
وذكر مصطفى فهمي خلال لقاء له ببرنامج الحكاية، الذي يقدمه الإعلامي عمرو أديب عبر فضائية Mbc قائلاً: والدها قالي انت من الشباب اللي فاهمة وانت صاحب مسئولية وصاحب حكمة وانت واعي والقرار قرارك انت ومش حلو تكون على طول يكون في مشاكل.
وواصل: أنا لا احب أن تكون غير مبسوط في حياتك ولا احب ان تكون بيتي تكون غير مبسوطة وانتو اتفقتوا مع بعض وانا مكنتش موجود فخلاص بقى انت حر انت وهي ومدخلوش حد بينكوا ولا اخ ولا اب ولا ام.
كواليس طلاق مصطفى فهمي لـ فاتن موسى
وذكر قائلاً: من سنة ونص كلمت اخوها وطلبت منه زي ما دخلنا بالمعروف نخرج بالمعروف والحياة اصبحت مستحيلة اخوها قالي انا مليش دخل ده قراركوا.
وواصل: بعدها ب 7 شهور حصل مشاكل تاني كلمت احمد والدها وقولتله اني مش قادر اكمل وحابب انفصل انا وفاتن والحياة بينا بقيت صعبة كتير وعلى طول في خناقات وانا حاولت ان اظبط الامور كتير بس مقدرتش.
مصطفى فهمي يكشف كواليس طلاقه لفاتن موسى
وأضاف : بس لما بقى في طلعوا ونزول وكل شوية مشاكل وخناقات وخلاص الكوباية اتملت بس حصل الخلاف الاخير وكنا مسافرين لبنان عشان نحضر فرح اختها وحصل خناق واتخانقنا بسبب اني رفضت السفر واخوها كان عندي في البيت والعاركة بدأت بقى وزعيق كتير وصوت عالي راح.
وتابع قائلاً: اخوها قال انزلوا اطلقوا راحت قالت لا مش هطلق انا اللي هطلق مفهمتش الكلمة راحت قالتلي انا اللي اخد قرار الطلاق كنت انا من جوايا خلاص طلقتها، والغدر الحقيقي كان كان السب والقذف اللي حصل على السوشيال.