كشف الفنان مصطفى خاطر أنه هناك عدد من أعماله الفنية قدمها ولم يكن راضي عنها، وذلك خلال لقائه في برنامج “أسرار النجوم” مع الإعلامية إنجي علي.
قال مصطفى خاطر: «فيه أعمال معرفش أنا عملتها ليه، وفيه عمل كنت عارف إنه وحش وعملته، وخدت فيه أقل من أجري المعتاد، ولكن بتيجي للشخص أحيانا لحظة توهان وبعدين تسألي ليه أنا قدمت العمل دا».
مسلسل البيت بيتي
وفي سياق متصل، كشف عن تفاصيل تجربته في مسلسل “البيت بيتي”، قائلًا: «المسلسل مجرد ما وصلني قرأته كله واتبسطت جدًا، ودا معناه إنه عاجبني وضحكت حتى والإيفيهات على الورق».
وأضاف: «وأنا وكريم كان أول مرة نشتغل مع بعض رغم أننا أصحاب، ومن أول يوم كأننا كنا بنمثل من 20 سنة هو فنان كواليسه حلوة، وهو شخص خجول بردو، وأنا شخص بتعامل مع الجمهور بشكل عفوي ولازم أقدرهم وأرضيهم وهما الطاقة اللي بتشغلني، والجمهور هو اللي بيحركنا».
وتابع: «البيت بيتي ليه جزء تاني، وبعد رمضان هناخذ خطوة تصويره».