حرص الفنان مصطفى بسيط، التعليق على الهجوم الذي تعرض له الفنان بيومي فؤاد، عقب هجومه على الفنان محمد سلام، بعد انتهاء عرض مسرحيته “زواج اصطناعي” الذي شارك بها في موسم الرياض، بالمملكة العربية السعودية، واعتذر عنها “سلام”.
ونشر مصطفى بسيط، عبر صفحته الشخصية بموقع تداول الصور والفيديوهات “إنستجرام” صورة مكتوب عليها: “الفتنة خلاص كل الناس شيرت اللي مع واللي ضد.. وكله كتب بوستات وشير واتبسط.. خلاص خلصنا مزايدات على بعض وخونا وكدبنا بعض.. افهم إنك بتشارك في تقطيع بني آدمين زيك زيهم.. وكلهم بيدافعوا عن نفس القضية”.
وأضاف: “طيب كل ده عشان ايه التريند والسوشيال ميديا اللي بقت بتحركنا كلنا، لدرجة إننا بنشير اللي لينا فيه واللي ملناش برضو فيه، وقررنا فجأة أننا نستبيح الناس وأعراضها وعائلتها كل ده عشان اللقطة أو الريتش، وبقى كل حد من حقه أنه ينتقد ويشتم في الناس طالما مفيش حد هيحاسبه”.
وتابع: “بس خليك فاكر إن مفيش حد هيحاسبك على كلامك وفتنتك دي هنا في السوشيال ميديا، لكن لما يتوفانا الله ويوم الحق، وأعرف كويس أن أي بوست أو كومنت أو هجوم على شخص أنت متعرفش عنه حاجه ربنا هيجيبله حقه منك ومن غيرك ربنا العدل لأنه قال: ما يلفظ من قول إلا لديه رقيب عتيد.. فخليك فاهم كويس إن كل لفظ وكلمة هتطلع منك بتتكتب وهتتحاسب عليها”.
واختتم مصطفى حديثه: أنا مش بدافع عن حد، أنا لا مع ولا ضد لأن مش لازم كل حاجة يكون ليا فيها رأي.. ربنا يهدينا جميعًا ويصبر أهالينا في فلسطين.