قرر الاتحاد المصري لكرة القدم “الجبلاية” برئاسة المهندس “أحمد مجاهد”، زيادة الراتب الشهري للجهاز الفني لمنتخب مصر وعلى رأسهم المدير الفني “حسام البدري”، بنسبة 10%.
وفي إطار ذلك، غضب الكثير من الجماهير الكروية بعد زيادة راتب ” البدري ” والجهاز الفني للمنتخب بنسبة 10% لكلٍا منهما، الأمر الذي جعلنا نتواصل مع منتخب مصر الوطني.
وقال مصدر مسؤول داخل منتخب مصر لـ “اوان مصر”: “أنا مش فاهم هو ليه الناس بتتكلم عن حاجة متخصهمش، الكل في شغله له مكافآت وحوافز إشمعنا هو”.
وأضاف: “البدري زاد بس 10% يعني موفر على الجبلاية كتير لو كان اللي مكانه ده مدرب أجنبي”.
وتابع: “ليه عندنا عُقدة الخواجة، لو كان الأجنبي هو اللي طلب كده الكل مكانش قال حاجة”.
وأكمل: “المدرب الأجنبي كان هيطلب من الجبلاية 40% زيادة بس الكابتن ” البدري ” وفرلهم 30% زيادة وبرضو الناس مش عاجبهم”.
وواصل: “اللي بيقولوا أن كابتن حسام ليه ياخد كل المبالغ دي هو بيعمل إيه؟، أحب أوضحلهم بس أن المنتخب لما بيدخل بطولات وبياخد جوائز ده بيعود على البلد والاتحاد”.
واختتم تصريحه قائلًا: “أرجو الوقوف بجانب مدرب المنتخب وليس التخبط فيه، هو بيتعب عشان يوصل مصر لمكانة كبيرة بين باقي المنتخبات”.
وجدير بالذكر من المنتظر أن يبدأ منتخب مصر الأول معسكره، استعداداًا لمباراتي كينيا وجزر القمر في الجولتي الخامسة والسادسة للتصفيات المؤهلة لكأس الأمم الإفريقية الكاميرون 2022، يوم 20 من مارس القادم.