نشر المستشار “مرتضى منصور” رئيس نادي الزمالك السابق، فيديو الجزء الأول لفضيحة القرن، وذلك من خلال حسابه الشخصي على موقع التواصل الاجتماعي “تويتر”، ليوضح من خلال الأربع مؤامرات التي تمت عليه.
وقال ” مرتضى منصور “: “عيب اللي بيحصل ده الكدب زاد عن حده، مديين اللاعيبة شيكات بدون رصيد وبيقولوا أنها أتوقفت بسبب التأمينات، متخلونيش أجيلكم النادي والله أجيلكم النادي”.
وتابع: “الجهاز المركزي للمحاسبات كاتب تقرير عن النادي في عهد ممدوح عباس من 2006 إلى 2013، يؤكد فيه أنه يوجد عجز على النادي بقيمة 68 مليون جنيه، اللي بيحصل ده مهزلة وقلة أدب جابوا حد بتاع حشيش مضى على التقرير وشكرًا وكل ده معايا إثباتات عليه”.
مرتضى منصور في فيديو جزء أول يوضح حقيقة فضيحة القرن
وأكمل: “الحمدلله أنا شبعان ولي أسمي في الوطن العربي كله، فاللي بيقول أن يوجد أحد في الدولة لا يريدني سياسيًا ورياضيًا يطلع يتكلم بصراحة ويعرفني مين اللي مش عاوزني.. يا مسؤول يا اللي مش عاوز تقول خلي حد يقولي بالنيابة عنك أنك مش عاوزني بدل اللفة دي كلها والتشهير وأنك تطلع عليا أني حرامي وأنا أشرف من ناس كتير في البلد دي”.
وواصل: “أنا بختصم القاضي أمام الله عشان شتمني في الحكم وشهر بيا في الحكم وقال عليا أني حرامي وأنا معايا الطعن أهو وهوريه للناس كلها”.
وأعلن ” مرتضى منصور “: “لسة دلوقتي جيالي رسالة تهديد بالقتل من قطر، وهوريها للناس بالرقم كمان اللي باعتهولي عشان كله يبقى عارف إيه اللي بيحصل بالظبط”.