كشف عضو مجلس النواب محمود بدر عن تفاصيل جديدة بشان حملة تمرد التي كان يرأسها، وأدت للإطاحة بحكم جماعة الأخوان المسلمين.
ونشر بدر بيان عبر حسابة الخاص بـ”الفيسبوك” قائلاً: ” مكنتش حابب نرجع نتكلم في موضوع يخص حملة تمرد لاني بعتبرها ملك للمصريين كلهم مش مادة للتجارة من كل شخص وقف مع الحملة في يوم من الأيام لكن بما ان بعض الناس مصمم يتاجر باسم تمرد ففي شوية امور لازم نوضحها”.
وأضاف: “من بعد ما تمرد عملت اسم كويس جدا في الشارع واكتسبت ثقة المصريين فوجئنا بان الاستاذة دعاء خليفة عضوة الحملة في الدقهلية جاية بتقولنا ان في مجموعة من رجال الأعمال عارضين يدفعوا فلوس للحملة وان هي تواصلت معاهم وقابلتهم وكان الرد مننا ان اللي عايز يساعد يطبع ورق لا اكتر ولا اقل”.
وتابع بدر: ” فوجئنا بإصرار غريب من دعاء ان نلتقي انا ومحمد عبد العزيز مع رجال الاعمال وكان كلهم من المحسوبين علي نظام الرئيس الاسبق حسني مبارك ورفضنا واكدنا لها ان هذه اللقاءات لا داعي لها لانها ستدعم اتهامات الاخوان الباطلة بان تمرد من صناعة النظام السابق ولكننا علمنا بعد ذلك انها التقت بهم وتقاضت اموال شخصية منهم”.
وواصل عضو البرلمان حديثة بقولة: “بعد نجاح ثورة ٣٠ يونيو علمنا ان التواصل بين دعاء وبعض رموز نظام مبارك مازالت مستمرة وقد اثار هذا غضب الكثيرين من اعضاء الحملة ثم قبل تشكيل القوائم في الانتخابات الماضية جاءت وطلبت ان تكون ضمن مرشحي تمرد وعندما رفضت الحركة بناء علي رفض اعضاء الحملة انفسهم كان القرار بفصلها تماما وابتعادها عن الحملة خاصة بعد ما وردنا من منسقي الدقهلية عن علاقات مشبوهة لها”.
واشار: “فوجئت بها في احد مؤتمرات الشباب فتبادلنا الحديث قليلا واذا بها تقول لي نصا (احنا اتظلمنا كتير رغم كل اللي عملناه والبلد دي مبتقدرش حد وانا مش ناوية اسكت عاللي بيحصل وانت كمان مفروض متسكتش) وعندما قلت لها ان الأمور لا تدار بشكل شخصي واننا ندعم الدولة بغض النظر عن المكاسب الشخصية وان تمرد ملك لكل المصريين وليست ملك لنا حتي نطالب بامتيازات شخصية فردت (انت عايز تسكت علي حقك انت حر لكن انا مش هسكت وانا بقولك ان في ناس بتحاول تتواصل معايا عشان ايمن نور عايزني اروح قطر او تركيا واتكلم وبالمناسبة سالوا عليك وان موقفك ممكن يتغير ولا لا وانا بيني وبينهم الانتخابات اللي جاية لو مجابونيش فمش هسكت) .. وانا فاكر كويس اني قابلت عزيز بعدها وقولتله عاللي حصل ده وفوجئت بيه بيقولي انها اتكلمت معاه برضه في نفس الموضوع”.
وأتم بيان بقولة: “اظن دعاء قالت انهم هيتهموها بالتواصل مع ايمن نور تحديدا لأنها عارفة كويس اننا هنقول الموضوع ده وفي كل الأحوال اللي عايز يكدب ويختلق وقائع يتفضل بس بلاش اسم تمرد ولا التنسيقية يدخل في جملة مفيدة !!!”.