أكد الفنان محمد ممدوح، نجم السينما والتلفزيون، استعداده لتقديم أعمال مسرحية، لكن بشروط خاصة وحالات خاصة.
جاء ذلك خلال استضافته مع الإعلامي يوسف الحسيني، ببرنامج التاسعة الذي يعرض عبر قناة الأولى المصرية.
وقال ممدوح، : عندي استعداد أشتغل مسرح بس بمزاجي وعلى طريقتي، مضيفا “مش هعمل مسرح عشان أعمل مسرح وخلاص، عايز أعمل مسرح ببروفات وورق متقن”.
وحول نيته تقديم عمل مسرحي، قال: “في دماغي أنا وأصدقائي مشروع مسرح مش هينفع أقول عليه، بس محتاجين مساحة زي مساحة جراج الأوبرا نقدم فيها المسرحية بتاعتنا.”
ونابع ممدوح: “هتحصل وبنكتب ورقنا على مهلنا، وأهم واحد من المشاركين السيناريست محمد عز، اللي كتب مسلسل قابيل، والكبير قوي، والحرب العالمية الثالثة مع مصطفى صقر، هو صديق عمري من ثانوية عامة.”
محمد يكشف عن الفنانين المفضلين لديه
كما كشف ممدوح عن الفنانين المفضلين لديه، الذي اكتسب منهم خبرته، كما أوضح وجهت نظره بان هناك أفلام تستحق الاوسكار ولكن لا أحد يهتم بها، وجاء ذلك خلال استضافته مع الإعلامي يوسف الحسيني، ببرنامج التاسعة الذي يعرض عبر قناة الأولى المصرية
وصرح قائلاً: “حقيقي دون مجاملة هما كتير اللي خلوني أشوف الأفلام وأفكر فيها بشكل مختلف، زي أستاذ عبد الله غيث، وأستاذ يحيى الفخراني، وأستاذ أحمد زكي، وأستاذ نور الشريف، أنا اتعلمت من كل حد حاجة، وفهمت يعني إيه رسالة، حتى لو قدمت فيلم كوميدي، الضحك رسالة إني أقعد أتفرج وأتبسط”.
وتابع قائلاً: “إحنا عندنا أساتذة كبار، أنا شايف من وجهة نظري إن العالمية دي بتاعهتم هما بتاعت اللي عملوها، يعني الواحد بيتفرج مثلا على أفلام الأوسكار، بيلاقيهم بيدوا الجائزة لفيلم عادي، مع إن فيه أفلام تانية حلوة، بيدوا الجوائز للي هما عايزينه دي من وجهة نظري”.