حوار رشا عادل – كتبت رحمة رمضان
دعمت الفنانة نجلاء بدر الفنانة شيرين بعد انفصالها عن حسام حبيب، وبعد ان ظهرت في حفلتها بالامارات، بدون شعر، ووجهت لها الفنانة رسالة فخر وحب.
نجلاء بدر تدعم شيرين عبر أوان مصر
وأشارت خلال لقائها مع أوان مصر على الريد كاربت بـ مهرجان القاهرة للسينما الفرنكوفونية، قائلة: “أنا بحبك جدا يا شيرين ومصر كلها بتحبك جدا، انتي صوت وموهبة وانسانة واي ان كانت الظروف اللي انتي مريتي بيها، في ناس مرت بظروف أصعب في يوم من الأيام”.
وتابعت قائلة: “بس عشان كلنا بنحبك وكلنا مؤمنين بموهبتك وكلنا عارفين حقيقتك بتمنى انك تعدي المرحلة ديه في سلامة وامان وانا واثقة انك ظهرت ومجرد ظهورك بالشكل اللي انتي عايزاه ده اكبر انتصار ليكي واكبر اعتراض وده صوت مكتوم”.
نجلاء بدر تتحدث عن قضية الاغتصاب الزوجي
وتحدثت الفنانة نجلاء بدر عن الاغتصاب الزوجي، كما أوضحت بان الاغتصاب الزوجي من اهم القضايا في المجتمع المصري، ويجب تفعيل الثقافة الجنسية لـ يستطيع الرجل ان يتعامل مع الست، وكشفت سبب تغيبها عن مهرجان القاهرة السينمائي.
وقالت : “الاغتصاب الزوجي هي قضية مهمة لاننا معندناش الثقافة الجنسية لزوج والزوجة، محدش بيتعلمها، والموضوع بيبقى تأهيل نفسي اللي هو كيف يتعامل الرجل مع جسد المرأة، لان هي مش حيوان وجاء له الفكر ده ازاي واتعلم الثقافة الجنسية ازاي، فلو اي حد بيمارس حاجة زي كدة بالمنظر ده مع زوجته ده يبقى مريض نفسي”.