عبر الفنان محمد محمود عن سعادته بشخصية “ممس” في أمير البحار ووجه رسالة للإعلامية إسعاد يونس خلال حواره معها ببرنامج “صاحبة السعادة”.
محمد محمود يوجه رسالة لـ إسعاد يونس
وكشف “ممس” خلال الحوار قائلاً: “شخصية ممس خرجتني من عنق الزجاجة لان انا كان بقالي 30 سنة بشتغل مسرح وعدد المشاهدين اللي كانوا بيشوفوني خلال الـ 30 سنة دول في المسرح نفس عدد المشاهدين اللي شافوا الفيلم ده في اول عرض وانتي فعلا صاحبة السعادة وفرحتي اولادي لما قولتلهم ساعت العرض الاول ابوكم رجل عظيم”.
محمد محمود يروي كواليس دوره في نجيب زاهي زركش
روى الفنان محمد محمود، كواليس حصوله على دور “الطريف” في مسلسل نجيب زاهي زركش الذي تم عرضه خلال السباق الرمضاني الماضي لـ عام 2021.
وصرح قائلاً: “نجاح المسلسل ده توفيق كبير من ربنا، هما بعتولي الورق بس انا مكنتش في القاهرة، وكلموني ان العمل مع يحيى الفخراني”.
وتابع قائلاً: “لما سألت مراتي قولتلها ايه الاخبار قالتلي حتة دور يا محمد وهي عندها تذوق فني وصرخت من الفرحة وهما كانوا خمس حلقات ولما قريتهم قولت لو هو كده بس فحلو اوي اوي، وان هظهر وهبقى معلق على الحلقات ودوري دور طريف وده كانت اول مرة معلق يظهر صوت وصورة، واتعرض الدور على كثير من الفنانين بس الجميع اجمعه عليا”.
محمد محمود بعد نجاح نجيب زاهي زركش
وفي بداية اللقاء عندما طرحت عليه إسعاد يونس سؤالاً “ايه القلبان اللي انت عملته في رمضان ده؟” ليرد عليها قائلاً: “الصبر والايمان والثقة في ربنا وان اكيد ربنا هيكرمني، وكل حاجة بتحصل هي نصيب ورزق وعندي ثقة في ربنا انه ديما هيرضيني وده مبدء عايش بيه على طول”.