أنفعل الفنان محمد فؤاد ببرنامج العرافة، المذاع على المحور و النهار،بعد إذاعة الإعلامية بسمة وهبة مقطع فيديو للناقد السينمائي يقول على الفنان محمد فؤاد لفظ «سيد قشطة»، نظراً لوزنه الزائد.
و بدأ محمد فؤاد ينفعل على الفيديو، قائلاً: «أقسم بالله العظيم ما عارف إيه العيب؟! الناس بقت تخاف تتكلم بصراحة، يعني ايه سيد قشطة؟َ! ده أنا أسجنك، لازم تبقى مؤدب، أنت كده مش متربي ولا مشفتش تربية، و كان عامل فيها صاحبي بعد فيلم الإسماعيلية رايح جاي، و أنا بقول له احترم نفسك، و مش أنت اللي هتهدم تاريخ محمد فؤاد، و أنا نجم غصب عنك».
متابعاً: «مش فاهم هو متعلم فين، ممكن تسألوا أحمد آدم عنه، وشوفوا هيقولوا ايه؟! كلامه موقفش الفيلم ولا غنائي او تاريخ محمد فؤاد، أنت اللي وقفت في الهامش يضحكوا عليك، و في فرنسا، تم عرض الفيلم في مركز عربي، وصاحبي قالي إن الفيلم مقفل الشوارع والعربيات واقفة والبوليس بيسلك الشوارع حول الشانزيليزيه لأن الناس واقفة بتتفرج على الفيلم، الناس كانت نايمة في الساحة وقاعدين في الأرض من كل الجنسيات والوطن العربي والفيلم كان مسمع في مصر، ولما رحت هناك كل الناس سقفت لي، وكل الصحفيين اتلموا حواليّ، اما طارق الشناوي فقد نادى عليّ وعامل إنه صحبي وبينادي عليّ، فقلت له تعالى لي، ده كرم ربنا، شوف انت كتبت ايه، ربنا يتولاك، فقالي حبيبي .. هو إنسان غريب، احترم نفسك كفاية كده».
برنامج العرافة
ويعد برنامج «العرافة» واحداً من أشهر البرامج في مصر وهو امتداد لبرامج تقدمها بسمة وهبة في رمضان من كل عام.
والتي تعتمد على كشف أدق تفاصيل النجوم وخباياهم وإظهار الوجه الآخر لهم، مما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.