قال نجم ستار أكاديمي الفنان محمد عطية، إن علاقة كلاً من الفنانة شيرين عبد الوهاب وحسام حبيب، تحتوي على الكثير من التفاصيل لن يعرفها أحد سواهما.
وأضاف خلال لقائه مع الإعلامية رابعة الزيات خلال برنامجها «شو القصة»: «أي شخص معرض إنه يبقى ظالم أو مظلوم.. لكن في مجتمعتنا الشرقية الست مظلومة بنسبة 95%».
وأكد أن الفنانة شيرين عبد الوهاب كانت تعيش حالة من الانتعاش الفني قبل ارتباطها بحسام حبيب، لكنها انحدرت ولم تعد تحقق أي نجاح، واختفت عن الساحة الفنية، وتغير شكلها.
وتابع: «الرجل في المجتمع الشرقي لا يتقبل نجاح المرأة أكثر منه، وبخاصة في نفس مهنته وممكن ده يكون سبب الخلاف، صعب جدا تكون الست هي اللي ظالمة.. المجتمع بتاعنا متأهب ومترصد للست فهتطلع ظالمة منين؟».
محمد عطية: ممكن أتجوز واحدة مش مسلمة
قائلا: «المهم تكون إنسانة، ده لو أتجوزت أصلا لأن الزواج عرف بشري اخترعوه بسبب الزراعة، ولو أنا بحب إنسانة ليه المجتمع والقوانين تدخل ما بينا؟ الأنسب نتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لا».
وتابع: «مستحيل أتجوز واحدة لأني شفتها وعجبتني فاروح أتقدم لها ونعيش مع بعض ونخلف، لأن الجواز مسؤولية كبيرة، مضيفًا: أنا حبيت كتير في حياتي».
وتحدث عطية عن تحول أفكاره من الشرقية الذكورية للمتحررة، قائلا: «كنت شرقي وذكوري لحد سن الـ30، وكنت شخص سيء جدًا في العلاقات، وبتدخل في أمور لا تخصني مثل أنت لابسة ايه بتكلمي مين، لابسه كده ما تنزليش مياه بالمايوه، وأرى أن ده مش حرص واهتمام ولا غيرة، فليه أنا من حقي أسألها في الحاجات دي ومن حقها هي».
وتابع: «في نقطة مهمة العلاقات مبينة على الثقة، والتدخل في اللبس والخروج كل الحاجات دي متعبة والخناقات بتحصل على الفاضي والطلاق بسبب كده فأنا كنت أسوأ من سي السيد، وبشوف إن ده قمة في إهانة المرأة فالعلاقة مش محتاجة ليد عليا ولا قائد للسفينة، وبشفق على الستات في الشرق الأوسط ومن التدخل في لبسها وحياتها الجنسية، ونفسي نسيب المرأة في حالها ليه شاغلين بالنا بالجنس والست نفسي نتكلم في حاجة تانية ونسيبها في حالها».