قام المنتج محسن جابر بتكذيب تصريحات عمرو مصطفى، حول قيام عمرو دياب بالجلوس على الأرض لـ سماع لحن أغنية خليك فاكرني لـ عمرو مصطفى.
وقال محسن جابر خلال لقائه خلال برنامج حديث القاهرة والذي يقدمه الإعلامي خيري رمضان، والذي يتم عرضه عبر شاشة قناة القاهرة والناس: عمرو مصطفى قال مفيش حد اكتشفني وحاجة غريبة انك تتبنى إنسان وفي الأخر يطلع ميقولش فضل الناس.
وكشف عن حقيقة قيام عمرو دياب بالجلوس على الأرض لسماع لحن أغنية خليك فاكرني، قائلًا: القصة الحقيقة أن كنت في شركة الفن في وسط البلد والسكرتيرة قالت في واحد بيعيط ومنهار وعايز يقابلك وقولتها خليه يدخل.
وأضاف: كان بيتكلم وبيعيط وقولته أطلع اغسل وشك وارتاح وأنا خارج ماشي قالي أنه عرف أن عمرو دياب بيسجل في ستديو النهار وراح يسمع عمرو أغنية ودخل لعمرو وكان فرحان أنه داخل ومفيش حد وقفه ودخل على عمرو فاجأة وزعقله وقال مين ده طلعوه بره لأن عمرو كان بيسجل وقتها ومركز وهو قطع عليه.
وتابع: وقالي أن والبودي جارد خدوه طلعوه بره وهو جاي بيعيط وقال رموني بره وبالصدفة قولتله أنا رايح الاستديو تعال معايا وقعدته وقولت لعمرو دياب تعال اسمعك اللحن ده وسمعه من عمرو مصطفى أغنية خليك فاكرني وعمرو قال اغنية حلوة فسالته انت عملت في امبارح ليه ولما حكيتله قالي يا محسن ده فتح عليا باب الكنترول ولولا اني خته مكنش هو اشتغل مع عمرو دياب.
واستكمل محسن جابر: بصماتي مع عمرو دياب كبيرة زي نور العين وتملي معاك وكانوا مش من ألحان عمرو مصطفى.