قالت الفنانة مايا دياب، أنها تجمد بويضاتها في الوقت الحالي، وتسعى على تشجيع الجماهير لتجميد البويضات الخاصة بهم، مشيرة إلى أنها تدعم فكرة الزواج المختلط.
وذكرت مايا دياب خلال لقائها ببرنامج “بصراحة مع”، قائلة: أنا نفسي أجيب ولاد تاني وسألت بنتي ووافقت، وأنا حاليا بجمد بويضاتي، وبشجع الناس على تجميد البويضات.
وأضافت: محدش بيعرف الدنيا هتحصل فيها إيه وخصوصا بعد ما الستات بقت بتشتغل ومعتمدة على نفسها ودا بيخوف الراجل، وبالتالي سن الزواج اتأخر.
وواصلت: وبجمد بويضاتي عشان إحساس أني بدي فرصة لروح تانية أنها تعيش حتى لما أنا أموت وجسمي يتحلل، وأنا ميهمنيش البنت تتجوز كبيرة ولا صغيرة، أنا مع الزواج الواعي، وأن البنت بقت واعية وقررت أنها تتجوز بكامل أرادتها، وعن نفسي أنا عايزة أتجوز تاني طبعا.
وأختتمت مايا دياب: أنا مع فكرة الزواج المختلط جدا، لأن دا بيخلي الشخص أنضج وعقله أكبر، وبيساعده يحترم كل الناس، مهما كانت ديانته مسلم أو مسيحي والمهم سلوك الشخص وأخلاقه وليس ديانته.