كشفت الفنانة ليلى زاهر عن دورها في مسلسل أعلى نسبة مشاهدة، والذي عرض في السباق الرمضاني لعام 2024، كما تحدثت عن كواليس العمل مع الفنانة انتصار.
وقالت خلال لقائها ببرنامج «يحدث في مصر»، والذي يقدمه الإعلامي شريف عامر، والمذاع على فضائية MBC مصر، وقالت: «انتصار كانت بتزود في المشاهد كلام وكانت بتضيف كلمات زي سيبي الموبايل أنتي طول الوقت فاتحاه، وكانت بتأكلنا رز بلبن».
ليلى زاهر: أنا جمعت حركات من شخصيات كتيرة على تيك توك
متابعة: «المساحة في الأدوار ما بتفرقليش، وأي حاجة الورق والمخرج وشركة الإنتاج ولازم الورق يكون حلو، وجالي تهديدات على شخصية شيماء… زي هنيجي ناخد حق شيماء منك وأنتي السبب في اللي حصلها».
مضافة: «في الأول الناس كانت بتحب نسمة وشايفة دمها خفيف، وجالي تعليقات كتيرة من نجوم كبار ومخرجين، وأكتر حاجة فرحتني لما بنزل الشارع والاقي حد بيقولي “نسمة الكاريزما” ولما شبهوني بوالدي أحمد زاهر».
مختتمة: «أنا جمعت حركات من شخصيات كتيرة على تيك توك هما قالوا أني قلدت حد معين لكن لأ أنا أخدت من شخصيات كتيرة».