كشف الفنان حسين فهمي تفاصيل مسيرته الفنية، بالإضافة إلى ترشيح المنتج رمسيس نجيب له لـ إخراج فيلم للفنانة الراحلة فاتن حمامة.
وقال حسين فهمي خلال ندوته في مهرجان الغرقة لسينما الشباب في دورته الأولى: اتفرجت على السينما المصرية وأنا صغير وانبهرت بعالم الفن وعالم السينما، وكان أملي وحلمي أكون في عالم الخيال ده.. وانبهرت بالسينما وكان وقتها عندي 10 سنين.
وتابع حسين فهمي: قررت أني عايز أكون مخرج؛ لأن المخرج هو السبب في الانبهار اللي بيكون في الفيلم، وأهلي وقتها رفضوا لأنهم كلهم في البرلمان والقضاء وقدمت في كلية حقوق وسحبت ورقي منها، وقدمت في معهد فنون.
وأضاف حسين خلال كلامه عن رد فعل أهله عندما تقديمه في معهد الفنون، حيث قال: أمي لما عرفت تعبت في السرير وأبويا خاصمني.. وأنا كنت متمسك بدخولي للمعهد، وبعدها بدأ المخرجين يكلموني في البيت فـ والدي يرد يقول مين يقوله أنا صلاح أبو سيف أنا يوسف شاهين.. أبويا بدأ ينبهر باللي بيحصل.
واستكمل: قعدت 10 سنين أدرس كل حاجة.. والفنان لازم يدرس ويقرأ كل حاجة ولغاية دلوقتي بروح مكتبات وبشوف كتب وبحضر حفلات موسيقية، والسينما عالم كبير جدًا ولازم تعرف كل حاجة فيه، ولازم كل شاب يدرس فلسفة ويعرف إيه هي فلسفة الحياة والوجود.
واختتم حسين فهمي حديثه: رمسيس نجيب أول ما رجعت من أمريكا قالي اخرج فيلم لفاتن حمامة، واعتذرت لأني مش هعمل فيلم النجمة تقولي فيه أحط الكاميرا فين، وفاتن حمامة استغربت جدًا وقتها.
لمتابعة أوان مصر عبر يوتيوب اضغط هنا
لمتابعة أوان مصر عبر فيسبوك اضغط هنا