اثارت فتاة تدعى رنا لُقبت إعلاميًا بـ فتاة بلقاس ، تبلغ من العمر 21 عامًا ، الفزع في نفوس أهالي مدينة المنصورة، بعد ان اقدمت على الانتحار، ووثقت دوافعها لانتحارها على صفحتها الرسيمة بموقع التواصل الاجتماعي فيسبوك .
وروت الفتاة رنا في منشور مطول لها ، عن حالتها التي شكت فيها من إهمال شديد من المقربين لها، كما ان هناك تفاصيل أخرى ، كانت إحدى صديقاتها قالتها عن دوافع وأسباب انتحار الفتاة .
رنا فتاة بلقاس
وكانت الفتاة طالبة جامعية رنا طالبة جامعة المنصورة، قد افادت بعض التقارير الصحفية عن واقعة انتحارها بحبة حفظ الغلة ، وهي التي تناولتها لتنهي حياتها .
إذ صرحت إحدى صديقات الفتاة ، أنها أقدمت على الانتحار، بسبب معاملة الاهل السيئة ، وأفادت صديقتها أن رنا كانت مرتبطة بأحد الشباب الذي لم يقف إلى جوارها أو يدعمها .
انتحار فتاة بلقاس رنا طالبة جامعة المنصورة
وقالت رنا، البالغة من العمر 21 سنة، فى رسالتها على صفحتها الشخصية بفيسبوك ، : “أنا حزينة.. حزينة أوي إني وصلت للمرحلة دي.. وأنا بكتب الرسالة دي مش شايفة من كتر الدموع اللي بتنزل من قلبي مش عيني.. أنا تعبت تعبت أوي واستحملت كتير أوي.. بس أنا إنسانة عندي طاقة مش قادرة أستحمل كل ده لوحدي.. أنا بس كنت محتاجة حد يطبطب عليا وياخدني في حضنه.. أنا عمري ما حسيت بحنية أن ولا أب ولا إخوات ولا أصحاب.. أنا عايشة لوحدي حرفياً رغم وجود الناس دي حواليا.. أنا لوحدي والوحدة وحشة أوي ومُتعبة أوي”.
الرسالة الأخيرة لـ فتاة بلقاس رنا
وأضافت: “أنا اتهلكت واتأذيت واتخذلت من أقرب ناس ليا وفي الآخر يتقالي معلش.. محدش يكلف نفسه يفكر فيا ولا يفكر في إحساسي.. أعيش ليه! أعيش لمين؟ أنا في الوقت ده كنت عاوزه بس اللي يحسسني إني أستاهل أتحب وإن حد يفضل معايا عشاني عشان بيحبني.. أنا حاربت الناس كلها عشان أبقى كويسة وكل محاولاتي فشلت.. اتأكدوا إني موصلتش لهنا بسهولة كده لا والله.. أنا عافرت عشان موصلش بس للأسف الحزن كان أقوى مني.. أتمنى ربنا يسامحني ويحاسبني على تعبي وقلة حيلتي مش على عدم إيماني بيه”.
رنا فتاة بلقاس
وتابعت: “حاجة أخيرة.. أنا كنت لوحدي ودلوقتي لوحدي فأتمنى محدش من اهلي يحضر جنازتي لأني ماشيه زعلانة زعلانة منهم كلهم ومش مسامحة في حق نفسي ابداً، ادعولي بالرحمه وافتكروني بالخير وأتمنى متنسيش زي ما كنت منسية.. وقولوا للشخص اللي ختم نهاية حياتي إنه كان أملي الوحيد وللأسف خذلني، عرفوه إني كنت بحبه.. عرفووه إني خلاص فارقت الدنيا دي وأنا حزينة وزعلانة على نفسي.. هيعرف بالصدفة إني موت زيه زي ناس كتير أوي كانت في حياتي.. حفلة تخرجي بعد بكره.. هي مش حفلة تخرجي من الكلية بس ومن الحياة كلها”.
واختتمت المنشور قائلة: “ادعولي ربنا يسامحني.. ومحدش يقولي ماتت كافرة لأن الكُفر هو إني أفضل عايشة مأذية ومنسية ووحيدة”.
وفي وقت لاحق دونت أخر منشور لها على الفيسبوك والذي جاء به :« عامةً انا على حافة الانتحار».
فيما انهالت التعليقات على صفحة الفتاة لتؤكد وفاتها وانتحارها بـ حبلة الغلة ، والتي انهت حياتها على الفور، وسط حزن شديد من أصدقائها وأقاربها .