كشفت الفنانة عفاف شعيب تفاصيل وفاة عبد الله نجل الفنان حسن يوسف، موضحة أنه قرر يتزوج قبل وفاته بـ 3 أيام.
وقالت عفاف شعيب في مداخلة هاتفية لها في برنامج كلمة أخيرة: الله يصبر قلوبهم، لما الأب والأم بيفقدوا ولدهم أو بنتهم بتبقى الحالة صعبة أوي، ربنا ما يوري حد لا عدو ولا حبيب، عبد الله كان بيعوم كويس، وهو كان من نوع الشباب الهادي المؤدب المحترم، وأنا مشوفتوش غير مرتين تلاتة من مدة طويلة.
وأضافت: وشمس بتقولي أنا مكنتش عايزة أروح الساحل السنادي وهو اللي قالي لا لازم نروح، فقالتلته لا مليش مزاج يا عبد الله قالها أنا عايز أروح.
وتابعت عفاف شعيب: هو نزل الساعة 12 الضهر وغاب فترة طويلة عمرها ما حصلت، قعدوا يدوروا عليه، وبلغوا البوليس عشان يشوفوا هو راح فين، والساعة 3 ونص الصبح لقوا الجثة عايمة على البحر.
وأردفت: واليوم دا الموج كان عالي وكانوا محذرين محدش ينزل المية، وشمس البارودي قوية في الحقيقة ومؤمنة لكن الموقف صعب، وحسن بيقول عبد الله مات دا سندي وهو اللي كان قاعد معايا وحنون وطيب وعمره ما أخري طلب ولا كلمة.
واختتمت حديثها، قائلة: شمس البارودي كانت بتوضبله الشقة عشان يتجوز ومن 3 أيام قبل الحادثة قالها يا ماما خلاص أنا قررت أتجوز وأنتي اللي تختاريلي العروسة، هو كان رافض الجواز.