قال محمود عبد المنعم كهربا ، لاعب الفريق الأول لكرة القدم بالنادي الأهلي ، إنه لن يترك من أساء لوالدته مهما طال الزمن.
وقال كهربا عبر حسابه الشخصي بموقع التواصل “انستجرام”: “وهل هناك أغلى من أمى ليهتز لها قلبى وكيانى؟.. إن كان بى خير فهو منك وبسببك يا أمى، نعل جزمتك أغلى وأطهر من اللى شتمك وسبك وتطاول عليكى”.
وأضاف كهربا، “اتعلمت منك ومن قلبك الطاهر إنى أترفع عن أى اساءة تتوجه ليا، لكن اليوم الإساءة كانت ليكى يا أمى، وبوعدك وهذا وعد دين عليا ان حقك جايلك ولو طال الزمن، ضحيتى كتير عشاننا وكانت فرحتك وانتى بتشوفينى بحقق كل اللى كنت بطمح له كنتى بتهتمى بكل تفاصيل حياتنا، ونبضات قلوبنا وبتدى بدون ماتنتظرى مقابل إلا إنك تشوفينا سعداء، خلقنا لنلعب كورة قدم ونتنافس داخل الملعب وليس الخوض فى الأعراض وإهانة من تعبو فى تربيتنا ونحن فى بلد كل يوم تتغير للأحسن، ولا يرضى الشرفاء منهم هذه التصرفات وفى انتظار موقف حاسم يرجع الحقوق لأصحابها”.
واختتم كهربا: “رينا يخليكى ليا يا امى والعمر كله ليكى ودايما معانا عايشين ببركه دعاكى لينا”.