تحدث الكابتن “محمود كهربا” لاعب النادي الأهلي، من خلال استضافته في برنامج “البيت الكبير” المُذاع على قناة الأهلي، عن فوز القلعة الحمراء ب 3 بطولات هذا الموسم.
وقال: “لما بسمع الشائعات اللي بتتقال عليا أو على أي لاعب في الفريق، بتجاهلها لإني متعود على الضغوطات من 2015 لما كنت بضيع هدف والجمهور يشتمني”.
وأضاف: “من أصعب فترات حياتي الكروية لما احترفت في البرتغال؛ لإني كنت بتشتم بأهلي لما بضيع جول، ودي أصعب حاجة في الدنيا”.
وتابع: “قبل جول أفشة في نهائي أفريقيا، كنت هنزل مكان حمدي فتحي ف قولت للحكم الرابع لا استنى الكرة تتلعب عشان أكتر حد بيعرف يلعب برأسة هو فتحي ولما الكرة جت جول أنا اطمنت اننا كدا خلاص هنكسب”.
وأكمل: “موسيماني قريب مني جدا ودايما يقولي “my boy”، وبيحبني جدًا على المستوى الشخصي وبيعرف يتعامل معايا ودي أهم حاجة”.
وأوضح: “أول ما جه موسيماني قولتله انا نفسي العب كل الماتشات مع الأهلي، بس دي وجهة نظرك واحترمها وانا تخت أمرك في اي حاجة، بس اهم حاجة تعاملني نفسيًا كويس، ودا اللي هو بيعمله معايا الحمدلله”.