استمع المستشار شريف قورة، رئيس محكمة جنايات كفر الشيخ “الدائرة الثانية”، اليوم السبت، لعامل متهم بقتل شقيقه طعنًا بسلاح أبيض “سكين” وذلك خلال أولى جلسات محاكمته.
وكان المتهم بقتل شقيقه التؤام طلب التحدث أمام المحكمة فأمر رئيس محكمة جنايات كفر الشيخ “الدائرة الثانية” المستشار شريف قورة بإخراجه من قفص الأتهام.
في البداية نفى المتهم ارتكابه واقعة قتل شقيقه موضحًأ أنه كانا يحبه ويعتبره روحه وعلى أتم إستعداد التكفل بأسرته لأنه يشعر بفقدانه.
وقال المتهم لرئيس محكمة جنايات كفر الشيخ”أنا ما اقدرش اقتل أخوية هو اللي كان معاه السكينة وخبط نفسه بالسكينة عشان يتهموني ان ضربته بالسكينة بس هو مات الله يرحمه ومراته هي سبب البلاوي دي كلها لأنه طلعت كلام وحش علي ودايمًا بتستحلف لي”.
زعم المتهم بقتل شقيقه خلال تحدثه أمام رئيس المحكمة أن زوجة شقيقه المجني عليه هي السبب فيما حدث بينهما من خلافات بل وتحرضه على التعدي عليه.
وقال:”أنا اتجوزت 3 مرات لأن كل ما اتجوز واحدة مش بتعيش معايا عشان مرات اخويا قالت لي مش هخلي واحدة تعيش معاك وعشان كده كانت بتعملي سحر”.
وأضاف المتهم: “أنا روحت لأخوية علشان أعتب عليه واقوله إحنا مالناش غير بعض وبعد كده قولت له لو ملمتش مراتك عني وعن مراتي أنا هزعلها وبعد كده لقيته دخل شقته وطلع تاني وطلع سكينة من بنطلونة لونها أخضر وحاول يضربني بيها وأنا قلت له يابني ليه كده إحنا هنضيع نفسنا وفضل يهوش بالسكينة وعورني في دراعي الشمال بيها”.
وتابع:”بعد كده أنا مسكت إيده علشان أحوش عن نفسي فهو قام ناتش السكينة مرة واحدة وأنا قمت ماسك في دراعه وبزقه عشان ما يضربنيش بالسكينة وهو نتش إيده مرة واحدة ودخلت في صدره ولما لقيته كده أنا طلعت أجري انادي على حد يلحقه وملقتش حد وبعد كده أنا طلبت الإسعاف عشان يجوا ياخدوه وهو ده اللي حصل”.
وأكد المتهم أن شقيقه المجني عليه هو من كان ممسكًا بالسكين محاولًا التعدي عليه بها فتصدى له حتى جذب يده عنوة فاستقر السكين في صدره لذلك حدثت له الإصابة التي أودت بحياته، وزوجة شقيقه تتهمه بأنه هو من طعن المجني عليه نظرًا لوجود مشاكل بينهم وله غرض تركه البيت.