كشفت الراقصة فيفي عبده عن رأيها في الراقصات الأجنبيات، موضحة ان لا يوجد راقصة رقم واحد.
فيفي عبده عن الراقصات الاجنبيات
وصرحت خلال حوارها مع الإعلامي نزار الفارس ببرنامج الفارس، الذي يعرض عبر قناة الرشيد العراقية قائلة: “كل واحد له شخصيته ودينا ولوسي ليهم طريقتهم ووضعهم، ولكن الأجانب احنا اللي معلمينهم الرقص الشرقي وبياخدوا التعليم الأساسي مننا، مني ومن دينا ونجوى فؤاد”.
وتابعت قائلة: “الأجنبيات بيقلدوا بعض جدًا ورقصهم سريع مفيهمش واحدة مميزة، ومفيش راقصة مصر الأولى وليه نقعد نقول الأولى والتانية أصل مين يعني هيدي اللقب، اللي يهمنا اننا نكون مقبولين ومحبوبين عند الناس بس”.
فيفي عبده: هقول لربنا بحب الرقص
وذكرت فيفي عبده عن لقب راقصة ووضعه على قبرها قائلة:”مينفعش، أحط الراقصة وأنا رايحة لربنا، بس يفضل ربنا هو اللي بيحاسب مش أنت ولا أنا، ولا أنا هخلي حد يحطلي لقب على مدفني”.
من جانبه أعربت الفنانة فيفي عبده، عن حبها الشديد للرقص، مشيرة إلى أنها حين تقابل رب العالمين لم تنكر، وستعترف بحبها للرقص.
وذكرت عبده قائلة:”أنا بقول سبحانك يارب معلش، ربنا يسامحني أنا بحب الرقص جدًا، وحاجة بتديني طاقة إيجابية ليا أنا”.
وواصلت: “بكون سعيدة، ومخلصة في عملي وبحبه، وحتى لو قابلت رب العالمين هقول بحب الرقص، لأن مش ممكن أبقى كدابة، وفيه ناس كدابة، يبقوا بيشربوا الحشيش، ويقولوا (لا لا، حد الله) ودول ناس كذابة، ولازم منكدبش على رب العالمين، ولازم الإنسان يكون واضح”.