أشادت الفنانة فيفي عبده، بالفنانة نجوى فؤاد، مؤكدة على أن لها فضل كبير عيلها في مسيرتها الفنية.
وقالت فيفي خلال لقاءها مع الإعلامية ياسمين عز ببرنامجها “كلام الناس”: “أنا بقدم التحية لنجوى فؤاد ولولا نجوى فؤاد مكنتش فيفي عبده موجودة، الست دي كان وشها حلو عليا”.
وأضافت: “على المستوى الشخصي نجوى فانسانة كريمة ومؤدبة وعمرها ما تقول حاجة وحشة على أي حد، وجدعة والناس كلها بتحبها”.
وأردفت: “الفنانين اللي ماتوا.. ماتوا من القهر.. لأن ممكن تكون بنتلسه داخلة الفن بس مطلوبة.. فالمخرجين يجبوها ويعملولها كارافان وأوضة خاصة في حين أن كبار الفنانين قعدين في اوضة صغيرة منسين”.
فيفي عبده: فكرت افتح تربتي واقعد فيها.. وقربت من التربي عشان يدعيلي لما أموت
من جانبها، أكدت الفنانة فيفي عبده، على أنها لا تخشى الموت، لدرجة انها فكرت في فتح مدفنها وتأهيله لأن يكون مكان جميل يليق بزوارها.
وقالت فيفي خلال لقاءها مع الغعلامية ياسمين عز ببرنامجها “كلام الناس”: “مبخافش من الموت خالص.. أنا ايام ما كنت تعبانة كنت بفكر اروح افتح التربة واقعد فيها واعمل مكان حلو.. لأن ايام الكورونا كنا نسمع عن ناس كتيرة ماتت فكنا مصابين بالذعر”.
وأضافت: “ليه بنفكر في التربة لما نيجي نموت بي.. طب ما ليه ما انا اظبط تربتي واخليها جميلة واكون حباها واريح اللي حابب يجي يزورني ويقرا عليا قرآن”.
وأردفت: “انا مكنتش بكلم التربي.. وبقيت اكلمه كتير في الايام اللي فاتتديه.. قولت لأ انا لازم اقرب من التربي بقى عشان مينسنيش في الدعاء هو ومراته”.