علقت الفنانة فيفي عبده على مشاركتها لفيديوهات رقص عبر حساباتها المختلفة بمواقع التواصل الاجتماعي، لكي تنفي شائعات مرضها التي تعرضت لها خلال الفترة الماضية.
وقالت فيفي عبده، خلال بث مباشر لها عبر حسابها الشخصي بموقع تبادل الصور والفيديوهات القصيرة انستجرام: “أنا بطلع أرقص على الأغاني الجديدة في فيديوهاتي علشان الناس تعرف إني واقفة على رجليا، الله أكبر عليا، ودايمًا بيطلع شائعات وأنا بقول إني موجودة حتى لو هطلع أتمشى، أنا مش مطلوب مني أهد السد العالي، أنا جاية الدنيا دي علشان أتدلع، وأنا دايمًا لما بعمل حاجة بعملها بقلبي، ومعشتش طفولتي وهعيشها بـ الطول والعرض”.
وتابعت: “نزلت لكم رقصات الفترة اللي فاتت، فيه فيديوهات راضية عنها وفيه مكنتش مستعدة ليها، الولد اللي بيشغل السماعة بيحط أي أغنية وأنا لازم ألحق النهار والشمس، فبعمل أي حاجة تليق عليها وده مش أسلوبي في الرقصات، وبرتاح في الكعب العالي، بحس إنه بيطلع الرقصة أحلى، ولما بتفرج على نفسي بقول إزاي أنا موقعتش في الماية”.