فتاة البوركيني/ كشفت استشارية العلاقات الأسرية،الدكتورة هبة قطب، تفاصل جديدة عن حياة البنت التي تدعى دينا هشام التي اثارت الجدل منذ عدة ايام بسببب منعها من نزول حمام السباحة لانها محجبة، في الحقبقة هي إبنتها.
وصرحت خلال مداخلة هاتفية مع الإعلامي خيري رمضان والإعلامية كريمة عوض في برنامج “حديث القاهرة” المذاع عبر قناة القاهرة والناس قائلا: “المشكلة كلها تدور حول كلمة واحدة هي الليبرالية في التصرفات والتفكير، وعدم إعطاء الذات الحق إني أحكم على الآخر. دي مشكلة ما زالت للأسف موجودة كتير جدا في المجتمع المصري، وبالذات هي متضخمة جدا لما نوصل للبنات أو الإناث أو السيدات.”
وتباعت قائلة: “بنتي حاسة بالقهر فعلا، ممكن حد يقول دي مش مشكلة ورفاهية زيادة، لكن المسألة تراكمية. البنت حاسة إنها في بلدها وفي مرحلتها السنية عايزة استمتاع بريء جدا بخروجة مع أصحابها. ممنوع تدخل المطعم ده وتروح الحتة دي وتستمتع في المكان ده..هي حاسة بالعنصرية الشديدة والتفريق الشديد في المعاملة.”
وعلقت على بداية الأمر قائلة: “الحقيقة الإعلام هو دايما منبر التغيير، وأنا شايفة اللي بيحصل صحي جدا دلوقت. لكن عشان يبتدي يدخل في حيز التنفيذ، طبعا أنا لا فقيهة دستورية ولا أفهم حاجة في القانون، لكن مش قادرة أفهم إزاي لايحة داخلية تتعارض مع دستور ومع مادة في القانون. إزاي الدستور بيديني حريتي ألبس اللي عايزاه، ولايحة داخلية في حتة تقول لأ لبسك مش عاجبني روحي غيريه.”